KABANATA 4

Grocery

Natapos ang first day namin nang maayos. Hindi na namin kasabay sila haedi sa pag-uwi dahil iba ang inuuwian nila. Bago kami umuwi ay dumiretso muna kami ni olivia sa isang mall para mag grocery. Natanggap na rin kasi namin ang suweldo namin no'ng nakaraan. Hati kami sa bilihin at ganoon rin sa pagbabayad ng apartment namin.

"Anong gusto mong ulam?" tanong ni olivia habang tulak-tulak ko ang cart.

"Kahit ano na lang." sagot ko habang tumitingin sa mga presyo na binili namin.

"Walang ulam na kahit ano na lang. lol. So, ano nga?" naiiritang tanong ni olivia.

Nasa meat department kami kaya agad akong kumuha ng isang kilong manok. Tinignan ko ang presyo nito at nanlaki ang mga mata ko dahil sa mahal ng presyo nito. 200 pesos? Umirap nalang ako at saka binalik ang manok sa lagayan. Napatingin naman ako ngayon kay olivia na naglalakad na palayo sa akin. Halos umusok ang ilong ko dahil sa galit. 

"Kahit kailan talaga! Mang iiwan." I whispered.

"Excuse me." A baritone voice said.

Napatingin ako ngayon sa likuran ko dahil sa narinig at halos manlaki ang mata ko nang makita ang lalaking nasa harap ko ngayon.

'Yong waiter na maraming sideline!

"Bibilhin mo ba 'yan o hindi?" tanong ng lalaki.

"U-hm h-indi." napalunok ako at saka nag iwas ng tingin.

Tumango lang ito at saka kinuha ang karne na hawak ko kanina.Napatingin ako sa suot nito..Nakablack t-shirt ito at khaki short. Napansin ko rin ang mauugat nitong kamay habang hawak ang karne na hinawakan ko kanina. 

"Kuya, bibilhin pa ba natin 'to? Gusto ko ng mag ulam ng karne oh." saad ng katabi nitong lalaki.

Kung hindi ako nagkakamali ay kapatid niya ito. May katandaan na rin kasi ang katrabaho ni olivia samantalang ang lalaking kapatid nito ay baby face, kaya sigurado akong bata pa ang kapatid nito. Kaedad ko siguro 'tong kapatid niya. Pogi rin ito kaso hindi ko type at ayoko sa kaedad ko... Mas gusto ko 'yong older katulad ng kuya niya.

"Miss, kanina ka pa nakatingin sa kuya ko. Alam kong pogi kami." mapanuyang saad ng lalaki.

"Kapal." bulong ko.

"Anong sabi mo?" maangas na tanong nito.

"Varione." saad ng kuya niya.

Varione rolled his eyes.

"Ito kasi kuya, e! Bulong bulong pa." pagsusumbong nito.

Inirapan ko nalang ito at saka tumingin sa kuya niya na busy sa mga karne. Hindi niya man lang ako tignan! Ganito ba ako kaganda para hindi man lang tignan nang katulad niyang pogi?

Bumuntong hininga muna ako at saka tumingin sa isip bata nitong kapatid na varione ang pangalan.

"Hi, I'm zandra." pagpapakilala ko.

Ngumuso ito at saka kumunot noo. 

"Varione nga pala at your service." inilahad nito ang kamay niya na agad ko namang tinanggap at nakipag shake hands. 

Binitawan ko agad ang kamay nito at saka tumingin sa kuya ni varione.

"Ah ito nga pala ang kuya ko." saad ni varione at saka umakbay sa kuya niya. 

Mas matangkad ang kuya nito  kumpara kay varione kaya kailangan pa nitong tumingkayad para akbayan.

"Zandra.." sigaw ni olivia.

Panira naman ang babaeng 'to. Hindi ko pa nga nakikilala ang kuya ni varione tas biglang sisingit. Karmahin ka sana, olivia. 

Tuluyan nang nakalapit sa amin si olivia at saka marahang inilagay sa cart ang mga pinamili niya.

"Kanina pa kita hinahanap. Nandito ka lang pala." saad nito at saka tumingin sa lalaking nasa harap namin ngayon.

"Oy nandito ka pala." saad ni olivia at saka tinapik sa braso ang kuya ni varione.

Ako ang nahihiya para sa'yo, olivia. Feeling close ang babaitang 'to. Umirap nalang ako at saka tumingin sa lalaki. Laking gulat ko pa nang makitang nakatingin ang lalaki sa akin at marahang umawang ang labi nito.

"Anong ginagawa mo rito?" tanong ni olivia sa kuya ni varione.

Agad kong siniko si olivia kaya napatingin ito sa akin.

"Malamang nag grocery sila. Ang dami mong tanong." bulong ko.

"Oh ba't ka bumubulong?" tanong ni olivia kaya napatingin na sa amin ngayon ang dalawang lalaki na nasa harap namin.

Agad na namula ang pisngi ko dahil sa tanong ni olivia. 

"Sige saturn, alis na kami." saad ni olivia at saka ako hinila paalis don.

"Ano ba olivia! Nakakahiya!" singhal ko.

"Anong nakakahiya?" tanong nito.

"Ba't mo sinabing bumubulong ako? Tanga ka ba?"

"E, bumubulong ka naman talaga. At oo tanga ka." pangbabara nito at saka ako hinila papunta sa counter para magbayad.

Halos buong magdamag akong nakasimangot sa loob ng apartment namin dahil sa kahihiyan kanina sa grocery store. Nakakahiya sa lalaki at kay varione. Ano nalang ang sasabihin nila  sa akin? Baka mapagkalaman pa nila akong baliw.

Kanina pa kami nakauwi ni olivia. Hindi ko siya pinansin hanggang sa makauwi kami. Tanong siya nang tanong kung ba't ang tahimik ko, e, kasalanan niya naman 'yon! Kung hindi niya sana tinanong kung ba't ako bumubulong edi baka kanina pa ako nagwawala rito sa kwarto at nanonood ng kdrama...nakakawalang gana tuloy.

Naalala ko na naman ang lalaki kanina. Ang pogi niya pala sa malapitan...paano pa kaya pag nasa ibabaw ko na siya? joke hehe. Bakit ba ganito ang iniisip ko? Umirap nalang ako at saka tumayo sa pagkakahiga.

Agad kong hinagilap ang cellphone ko at nag online sa F******k. Hahanapin ko ang lalaki kanina. Ano kayang pangalan niya sa f*? Ano nga ulit pangalan niya? Sinabi na kanina ni olivia 'yon, e. Ang alam ko S 'yon tapos isa siya sa mga planet.

"Ano ba 'yong S na ibang planet? Supiter? ay tanga jupiter 'yon." bulong ko sa sarili.

Napahawak ako sa sentido ko at tila iniisip ang pangalan nong lalaki. Nang maalala ko ang pangalan ng lalaki ay agad ko itong tinipa sa search bar ng f******k.

Saturn

Pagkasearch ko pa lang ay marami nang lumabas na picture ng saturn. Hindi ang kuya ni varione ang nakita ko sa picture kung hindi ang literal na saturn! 'yong planet saturn!

Agad kong binura ang nasa search bar at saka tinipa ang pangalan ni varione. Kung hindi mahanap ang kuya, kapatid ang hanapin. Siguro naman friends ni varione ang kuya niya. Magkapatid sila kaya sure akong friend nila ang isa't isa sa f******k.

Nang masearch ko ang pangalan ni varione ay marami ring lumabas na picture...ang kaso lang ay hindi 'yon si varione kaya naghanap pa ako ng ibang profile picture na mukha ni varione. Pamilyar naman sa akin ang mukha nito dahil nakita ko ito kanina.

Halos magkakalahating oras na akong naghahanap rito ay wala pa rin akong makitang varione! Hindi ko makita ang mukha nito. Ang daming varione sa mundo pero sana naman ipakita niyo sa akin ang varione na nakilala ko kanina! Gusto ko lang talagang malaman f* ng kuya niya!

Napatalon ako sa gulat nang hablutin ni olivia ang cellphone ko.

"Varione?" basa nito habang hawak ang cellphone ko.

"Olivia Marie Santos! Ibigay mo sa akin ang cellphone ko! Binabalaan kita." pananakot ko.

"Talaga ba, Zandra Veronica Torres?" Olivia raised her brows.

Lumapit ako sa kanya at saka pilit na kinukuha ang cellphone ko. Mahigpit ang pagkakahawak nito sa phone ko kaya sinimangutan ko ito.

"Ano ba 'yan! Amina kasi!" 

"Crush mo ang kapatid ni saturn?" mapanuksong tanong nito.

"Hoy hindi ha! Ang kapal mo. Amina 'yang phone ko. Privacy naman, oy!" 

Inirapan ako nito at saka may tinipa sa phone ko. Lumapit ako sa kanya pero lumayo ito..Ano na namang ginagawa ng babaeng 'to sa cellphone ko? Nang matapos siya sa ginagawa niya ay agad niyang binigay sa akin ang cellphone ko at saka ako tinalikuran.

"Thanks me later, pre. Landi well." saad nito at saka tuluyan nang dumiretso sa kwarto namin.

Halos manlaki ang mata ko nang makitang nagchat siya kay saturn gamit ang f******k account ko! Tila hindi na ako makahinga dahil sa bilis ng tibok ng puso ko.

"Olivia, gaga ka!" sigaw ko.

Tinignan ko ang chat nito kay saturn at halos mahiya ako dahil sa nakalagay rito.

Zandra Torres:

Hi po. pa-accept naman po kuya...hahaxd.

Hindi ko na napigilan ang sarili ko at saka nagwala sa sala! Anong gagawin ko? Baka sabihan pa akong jejemon nito. Kasalanan mo 'to olivia the jejemon! 

Ilang minutes akong nakatunganga dito sa sofa habang hinihintay ang reply sa akin ni saturn. Ini-stalk ko ang f******k nito at wala itong gaanong post sa timeline niya. Ni profile picture niya ay ang tanging picture niya noong bata pa siya. In fairness ang guwapo niya kahit noong baby pa siya. Sa susunod, sa akin ka naman magkakababy....joke lang po.

Napatawa ako sa sariling pag iisip ko. Ini-stalk ko ang f******k account ko at saka dinelete ang mga jejemon kong picture noong bata ako. Habang nagdedelete ako ng mga picture ko sa f******k ay biglang tumunog ang notification ko. Agad ko itong tinignan at halos manlaki ang mata ko dahil sa nakita.

Saturn Centaurus accepted your friend request.

Holy shit! Friends na kami sa f******k. Halos manginig ako sa tuwa dahil sa nakita. Inaccept niya ang friend request ni olivia! Bigla naman akong napatingin sa messenger ko nang lumitaw ang pangalan ni saturn. Hindi ko alam kung pipindutin ko ba o hindi pero dahil gusto kong malaman ang reply niya ay dali-dali ko itong pinindot.

Saturn Centaurus:

Done. 

Agad na napawi ang ngiti ko dahil sa reply nito.

'Done' Parang napipilitan pa yata siya na iaccept ang friend request ni olivia, ha! Ngumuso nalang ako at saka nagtipa nang irereply sa kanya.

Zandra Torres:

Thank you po. Good evening po pala hehe.

Nanginginig pa ako nang isend ko ang reply ko pero dahil malakas ang loob ko ay hinayaan ko nalang ito at saka bumuntong hininga. Hindi agad ito nagreply sa akin kaya naghintay pa ako ng ilang minutes. Kumalma ka zandra baka busy lang siya. 

Alas sonse na ng gabi at nasa kwarto na ako kasama si olivia. Hindi siya pumasok ngayon dahil alam naman ng boss namin na may pasok kami bukas. Alam rin kasi ng boss namin na tuwing ganitong may klase na ay sa weekends lang kami puwedeng mag shift. Tulog na si olivia kaya ako nalang ang gising ngayon.

Ilang oras na ang lumipas pero hindi pa rin nagrereply si saturn sa 'kin. Umayos nalang ako sa pagkakahiga at saka pumikit. Baka bukas magreply na siya. Matutulog na muna ako sa ngayon.

Goodnight, Saturn. Sana hindi ka bangungutin ka sana.

Humagikhik nalang ako saka tuluyan nang nagpalamon sa antok.