KABANATA 24

Family Day

"Mommy, wake up po!" 

Nagising nalang ako nang maramdaman ko ang kamay ni uranus na nasa pisngi ko at pilit na ginigising. Today is Monday. Bagong Umaga, Bagong Biyaya!

Agad akong nagmulat ng mata at tinignan ngayon si uranus na nakabihis na. Ang aga namang gumising ng batang 'to. Ako ba talaga ina nito?

"Mommy, may family day po kami today. You said last night that you won't be late kasi sasama ka sa 'kin sa school." mahabang litanya ng anak ko.

Yeah, she's right. May family day nga sila ngayon at muntik ko ng makalimutan 'yon! Hindi ko alam na pumayag pala ako kagabi. Akala ko nagbibiro lang ang anak ko nang sabihin niyang may family day sila, totoo pala 'yon. 

Kinusot ko ang mata ko at saka tamad na bumangon. Narinig ko ang pagtawa ni uranus sa likuran ko kaya tiningnan ko ito. Hawak nito ang cellphone ko at saka nag-se-selfie do'n.

Umiling nalang ako saka dumiretso na sa kusina para magluto ng almusal. 

Pagkabukas ko pa lang ng ref ay bumungad na sa 'kin ang walang lamang refrigerator ko. Nakalimutan ko pa lang mag grocery kahapon! Ang dami ko rin kasing ginawa at saka sa labas na rin kami kumain ni uranus kagabi.

Hindi ko alam na wala na palang laman ang ref ko. Bumuntong hininga nalang ako at saka kumuha ng pera sa wallet para bumili ng kakainin namin ni uranus..

"Uranus, anak. Dito ka lang muna, ha? Bibili lang si mommy ng almusal natin." sigaw ko galing dito sa kusina.

"Yes mommy. Take care po! I wuv you!" sumilip ito sa pinto ng kuwarto namin saka nag flying kiss.

Ngumiti nalang ako at saka dumiretso sa pinto para buksan 'yon. Nagulat nalang ako nang bumungad sa 'kin si ethan na may dalang pagkain ngayon. 

He smiled. "Hi, good morning!" 

"U-hm good morning too?" bati ko.

I heard him chuckled.

"Tabi, zandra. My princess is hungry." ani nito at agad akong pinatabi.

Napaawang ang labi ko dahil sa tinuran ni ethan. Ay wow? Your princess? Since when? Alam kong close sila ng anak ko, pero bakit nandito siya ngayon at may dala pang pagkain! Sinasabi ba ni uranus sa kanya na ginugutom ko siya?

"Tito Ethan!" masayang saad ng anak kong si uranus at agad na hinagkan si ethan.

Binaba naman agad ni ethan ang dala niyang pagkain at saka binuhat ang anak ko. Hinalikan nito ang pisngi ni uranus at saka humarap sa 'kin.

"She texted me. She's hungry daw, eh." ani ni ethan.

Uranus chuckled.

"Sorry, mommy. I'm gutom na po kasi. Ang tagal mo po kasi mag awake." maarteng saad ng anak ko.

"Uranus, it's 'gumising', okay? not mag awake." pagtatama ko sa anak.

"K." masungit na saad ng anak ko.

"Uranus, I want you to grow that's why I'm correcting you." lumapit na ako ngayon sa kanila.

Mas lalong humigpit ang yakap ni uranus kay ethan.

"Okie. Thank you for correcting me po.." mapanuyang saad ni uranus.

"Uranus, It's your mom talking. Don't be rude. Tinuturuan ka lang." saad naman ni ethan.

"Sabi ko lang naman po 'k'. What's the big deal po?" Si uranus.

Umiling nalang ako saka inayos ang pagkaing binili sa amin ni ethan. Habang lumalaki, nagiging pasaway. Tinuturuan ko lang naman. Hindi naman ako gan'yan noong bata ako! Siguro 'yong tatay niya gan'yan ugali kaya namana ng anak ko!

Pagkatapos kong ilapag ang mga plato ay tinawag ko na sila ethan at uranus. Nanonood sila sa YouTube ng dave and ava. Hindi ko alam na mahilig pala manood ng gan'yan ang anak ko. Magmula kasi nang pinanganak ko si uranus puro drama napapanood ko.

Namana niya siguro sa panonood ko ang pag arte kaya lumaking maarte ang batang 'to. Ewan ko ba. Maayos naman ang pagpapalaki ko. Ang anak ko nalang siguro ang may problema, joke. Kahit masungit at may pagka-maarte ang anak ko, mahal ko pa rin 'yon. Galing siya sa 'kin, eh.

"Tito Ethan, you know my daddy?" tanong ni uranus pagkatapos ko itong subuan.

Bumaling ang tingin sa 'kin ni ethan at saka nag taas ng kilay. Huwag mo kong taasan ng kilay diyan! 

"Ask your mom instead." 'yon nalang ang nasabi ni ethan kaya napatingin sa 'kin ang anak ko.

"Mommy, tito ethan knows my daddy?" tanong muli nito.

"O- of course, baby!"

"Talaga po? Edi alam ni tito kung na saan si daddy or am I wrong?" 

Ilang beses akong lumunok at pinagpapawisang tiningnan si ethan. Anong sasabihin ko? Na magkaibigan sila ni saturn kaya alam ni ethan? Wala na nga akong balita sa lalaking 'yon kaya wala akong pake kung na saan man siya ngayon!

"Just finish your food, anak. After that sasamahan ka ni tito mag toothbrush." ani ko at agad na tumayo para iligpit ang pinagkainan namin.

Hindi na naman nagreklamo si uranus bagkus sinunod niya nalang ang sinabi ko. Nagpunta 'to sa kusina at saka doon nag toothbrush. Si Ethan naman ay nakatingin sa 'kin at nagkibit balikat lang. 

Hindi pa ako ready na makilala ni uranus ang papa niya. Ano nalang ang sasabihin ko pag nagkita sila? Oh saturn, itong anak mo maldita. Saturn, si uranus anak mo na maldita.

Hindi namang puwedeng sabihin ko 'yan! Baka kung ano ang sabihin sa 'kin ni saturn at sabihan pa akong walang kwentang ina! 

Umiling nalang ako saka huminga ng malalim. Kumalma ka, zandra. Hangga't nabubuhay ako, walang puwedeng manakit sa anak ko. Not my family, not ethan, not even saturn.

Ako lang ang may karapatan sa anak ko! Ako ang nagpalaki sa kanya sa loob ng anim na taon. Ako ang kasama ni uranus sa lahat ng una nito. Sa pagsasalita, paglalakad, pagbibilang at pagtawag sa 'kin ng mama. Ako lahat!

Nang matapos ang konting pag-e-emote ko ay dumiretso na ako sa cr para maligo. Nagbihis na rin ako ngayon ng parehong suot ni ethan at uranus. Family Day 'kuno' kaya dapat kompleto kami. Kaso iba nga lang ang ama. Hindi na bale, sa susunod na may family day, treat ko nalang si uranus sa ibang lugar like pupunta kami sa cr de hotel, silong ng kamatis at tubig de timba. 

Napatawa ako dahil sa sariling naisip.

"Mommy, why are you laughing po? Are you crazy po ba?" tanong ng anak ko nang makababa kami sa kotse ni ethan.

Nakarating na rin kami ng school ni uranus. Katabi lang ng school ni uranus ang school na pinagtuturuan ko. Lumiban muna ako sa klase ko para dito sa family day ng anak ko. Alam kong importante sa kanya ang araw na 'to kaya dapat dumalo ako.

"Nothing, anak. Let's go na. Mukhang umpisa na oh." turo ko sa stage nang bumaba ang isang guro.

Tumango naman ang anak ko at saka kinuha ang kamay ko at gano'n rin kay ethan.

"Let's go my family." masiglang saad ni uranus at dali daling naglakad papasok ng gym.

Pagkapasok pa lang namin ay tapos na ang program. Nag uumpisa na ang mga teacher na ayusin ang stage para sa laro. May mga teacher pa na bumati sa 'kin. Tipid lang akong ngumiti saka tumango. Ilan lang ang kilala ko sa kanila, hindi rin kasi ako laging pumupunta dito sa school ng anak ko. 

"Dito po tayo, misis." ani ng isa sa mga organizer.

Misis? Kailan pa ako kinasal? Sa pagkakaalam ko, wala pa akong asawa. Sumunod nalang kami do'n sa organizer at saka umiling nalang. Nang maihatid kami nito sa upuan ay nag umpisa na rin ang ilang games.

"Go!" sigaw ng isa sa guro.

Nasa field kami ngayon at nasa iisang sako kami nila uranus at ethan. Sack race ang tawag sa laro na nilalaro  namin ngayon. Nasa kabilang side naman ang kalaban namin. Kasama rin nila ang anak nila.

Nag umpisa na kaming tumalon ngayon ng anak ko at si ethan. Kami ngayon ang nangunguna sa iba. May mga naririnig pa akong nagtatawanan at kumukuha ng picture sa amin. Si uranus naman ay tuwang tuwa habang tumatalon kami.

Nang makarating kami sa dulo ay bigla kaming umikot at bumalik kung saan kami nag umpisa kanina. Napahawak na ako sa balikat ni ethan nang muntik na 'kong matalisod. 

"Ang sweet naman ni ma'am at sir. Bagay na bagay sila." rinig kong saad ng isang magulang.

"True ka diyan. Ang ganda pa ng anak nila." ani pa ng isa.

Umiling nalang ako at saka tumuloy nalang sa pagtalon. Nang makarating kami sa finish line ay biglang binuhat ni ethan si uranus saka sumigaw.

"Yehey! We won!" masiglang saad ni ethan.

I heard uranus giggles.

"We won, daddy!" hinalik-halikan nito ang pisngi ni ethan.

Napaawang ang labi ko dahil sa narinig. Bumaling naman agad sa 'kin si ethan saka nagkibit balikat. Tuluyan ng nawala ang tingin ko sa kanila nang lumapit sa 'min ang isang guro at binigay ang medal.

"Congrats Mrs. Lamiaco. Isang karangalan po na pumunta kayo dito sa school kasama ang asawa niyo. Ang talino po nitong anak nin'yo!" puri ng isang guro.

I looked away.

Hindi nga pala nila alam na hindi ko asawa si ethan. Tumikhim muna ako bago magsalita. 

"Thank you. Busy lang kaya ngayon lang nakapunta." ani ko.

Nakita ko ang pagningning nang mata nito habang nakatingin sa 'kin kaya nag iwas ulit ako ng tingin. Ano bang tinitingin ng babaeng 'to? Hindi ako mabait kaya hindi ko alam kung kaya ko pa 'tong pakisamahan. 

"Ang ganda niyo pala sa personal ma'am." saad muli nito.

My cheeks heated.

"U-hm thank you.. you're pretty too." pagpupuri ko rin.

Ngumisi ito sa 'kin kaya nginitian ko lang ito.

"Mommy, Iwan ko po muna kayo dito ni daddy ethan. Magpipicture lang po kami ng friends ko." pagpapaalam ni uranus.

"Uranus..." hindi ko na natuloy ang sasabihin ko nang tumakbo ito.

Napatingin naman ako kay ethan nang hawakan nito ang siko ko.

"Sorry. Hindi ko alam na tatawagin niya 'kong gano'n." Si ethan.

"Ah okay lang.. naiintindihan ko naman kung ba't tinawag ka ni uranus ng gano'n." saad ko.

Tumango naman ito. "Sundan ko lang saglit si uranus." 

I just smiled then nodded.

Nang makaalis ito sa harap ko ay saka ako nakahinga ng maluwag. Ano bang nasa isip ng anak ko? Hindi ko na siya maintindihan. Don't tell me nagugustuhan niya ni si ethan bilang ama niya? Umiling agad ako sa naisip at saka tumingin sa mga naglalaro ngayon.

Ilang minutes ang lumipas ay biglang dumating si ethan buhat si uranus na may dalang cotton candy. Agad akong lumapit sa kanila.

"Uranus, saan mo nabili 'yan? Hindi ba sinabi ko na sa 'yo na bawal ang matamis?" iritadong saad ko at agad na kinuha sa kamay niya ang cotton candy.

Napasinghap ito sa ginawa ko at agad na namula ang pisngi nito.

Magmula ng isilang ko si uranus,  binawalan na 'ko ng doctor na bawal ito kumain ng matamis. May allergy kasi ang anak ko kaya kung maaari ay hindi ko 'to pinapakain nang kung ano ano.

"Mommy, isa lang naman po, eh." pagmamakaawa ng anak ko.

"Uranus, huwag maging pasaway. Nag usap na tayo tungkol dito." ani ko.

"Don't worry, my princess. Bibili tayo mamaya ng toys mo. Ano nga ulit 'yong gusto mo?" singit ni ethan.

"'Yong teddy bear po na malaki" saad ng anak ko.

"Ethan isa ka pa!" 

"Zandra, hayaan mo na. Ngayon lang naman." 

"Si mommy ang kj!" ani ni uranus at agad na tumakbo palayo sa amin.

Tiningnan ko ngayon si ethan at saka binatukan.

"Bwesit ka! Hindi ko pinalaking spoiled brat ang anak ko. At saka, ikaw ba bumili sa kanya ng cotton candy?!" pagalit na tanong ko.

Nakita ko ang pag awang ng labi niya at agad rin umiling.

"No. Alam kong allergy si uranus kaya ba't ko siya bibilhan?" saad ni ethan.

"Edi sinong bibili no'n?! Hindi ko naman binigyan ang anak ko ng pera!" ani ko.

"May kausap siyang lalaki nang makita ko siya. Baka siya nagbigay." saad muli ni ethan.

Nanlaki ang mga mata ko dahil sa narinig. Agad kong hinila si ethan palayo sa field.

"Sinong lalaking kausap ng anak ko?" nagmamadaling tanong ko.

"I don't know. Naka cap, eh. Tas nang lumapit ako, umalis rin agad." ani nito.

Shit! 

"Baka si saturn 'yon! Hindi ka ba niya nakita?"

"Hindi. Wala ka bang balak na ipakilala ang anak mo kay saturn?" tanong nito.

Hindi agad ako nakasagot sa tanong ni ethan. Agad akong nag iwas ng tingin saka pinakalma ang sarili. 

"H-indi ko pa alam. W-ala...wala akong balak." saad ko.

I heard him laughed.

"Hindi ko alam na joker ka pala." saad ni ethan na ikinanoot ng noo ko.

"Hoy, tanga. Hindi ako nagbibiro. Wala nga akong balak!" naiinis na saad ko.

"Sabihin mo 'yan sa 'kin after 10 years." pang aasar pa nito.

Ngumuso na ako ngayon at hindi na makatingin sa kanya. Hindi naman ako nagsisinungaling, ha! Wala naman talaga akong balak ipakilala si uranus sa papa niya. Maayos na ngayon ang buhay namin ng anak ko at ayoko nang maging komplikado muli 'yon.

Ilang taon ang lumipas kaya siguradong may asawa na rin ngayon si saturn. Baka nga may anak na rin 'yon sa ibang babae, eh! Teka, ba't ko ba iniisip ang lalaking 'yon? Wala na akong pakealam kung may anak man siya o asawa! Hindi ko ikakamatay 'yon!

"Mommy, are you okay po? Bakit parang nakakita ka po ng mumu?" tanong ng anak ko nang mapansing nakatingin lang ako sa tv ngayon.

Tila naestatwa ako nang makita si saturn sa tv. Ini-interview ito nang isa sa mga reporter.

"Curious na curious po ang mga fans niyo, sir, kaya ako na po ang magtatanong para sa kanila. Okay lang po ba?"

Saturn smiled and then nodded.

"Go ahead." 

"Do you have a girlfriend, sir? Ito po ba 'yong kasama niyo sa party last week?"

Hindi na ako makalunok ngayon dahil sa sobrang kaba. Akala ko wala na akong pakealam, pero bakit ko pinapanood 'to ngayon? Bigla na namang pumasok sa isip ko ang sinabi ni ethan noong nakaraang linggo.

"Hindi ko alam na joker ka pala."

"Hindi ko alam na joker ka pala."

"Hindi ko alam na joker ka pala."

Tila nagpaulit-ulit na ngayon sa utak ko ang sinabi ni ethan!

"Mommy! You're spacing out again. What's the problem po ba?" uranus asked.

Agad na bumaling ang atensyon ko kay uranus. Tapos na ang klase ko ngayon kaya sinundo ko na siya sa school niya. Balak ko rin kasi sanang mag grocery ngayon. Ubos na kasi ang stock namin sa apartment.

"Okay lang si mommy. What do you want to eat? Sa labas na tayo kakain." ani ko sa anak.

"Sa jollibee po ba tayo mag eat, mommy?" ngumuso ito.

Agad ko namang tinanguan 'yon. Favorite kasi ni uranus sa jollibee. Nakasakay kami ngayon sa kotse na binili ko last week. Natanggap ko na rin kasi ang sweldo ko, medyo malaki naman 'yon kaya dinagdag ko nalang dito sa kotse. Mahirap kasi pag sakayan, malayo pa naman ang school ng anak ko sa apartment.

Ang ginawa namin ay kumain muna kami sa jollibee bago mag grocery. Kanina pa kasi nagugutom ang anak kong maldita kaya dumiretso na muna kami do'n.

"Mommy, I want palabok fiesta with chicken and peach mango pie. I want coke rin po pero if ayaw mo edi water nalang po." saad ng anak ko habang nakatingin sa menu ng jollibee.

Nakapila kami ngayon habang buhat ko siya. Hindi naman matao ngayon kaya keri lang. May mga bumati pa sa 'kin na classmate ko noon na nagtatrabaho na ngayon dito.

"Zandra, ikaw na pala 'yan. Ay madam ka na pala. Kumusta ka na pala?" ani ni rick na classmate ko sa isang subject noong college.

"Okay lang naman. Ikaw?" 

"Ito maayos naman. Kumakayod para sa pamilya." aniya.

Napatingin ako ngayon kay uranus nang bumulong ito sa 'kin.

"Mommy, give him money po. Kawawa naman po siya. Sabi ni teacher pag may taong poor bigyan ng pera." bulong ng anak ko.

Bigla akong nasamid dahil sa sinabi ng anak ko. Sinong teacher nito at nang mabatukan ko. Poor rin naman kami, ha? Dapat ba bigyan rin kami ng pera? Baka sinasabi niya lang 'to sa anak ko para makalimutan namin ang sinabi ni Jay-jay Montano na bawat pamilya may sampung libo.

"Sige, zandra. Balik na 'ko sa trabaho ko." pagpapaalam ni rick na tinanguan ko nalang.

"Uranus anak. Huwag ng matigas ang ulo. Hindi puwede sa'yo 'yan." ani ko at agad na kinuha ang peach mango pie na hawak niya.

"Oh okie po, mommy. Sorry." ani nito at saka kinain nalang ang palabok.

Tapos na akong mag order ngayon at nakalimutan ko na bawal pala kay uranus ang matamis. Bigla kong naalala ang date namin ni saturn noon. Ganito rin ang kinain namin. Teka, ba't ko ba iniisip 'yon?! 

Umiling nalang ako saka kumain. Kinuhanan ko ng picture si uranus habang kumakain. Minsan ay nagpapacute pa ito sa camera kaya natatawa ako. Pagkatapos ng ilang pictures at video ay ni-myday ko 'yon sa i*.

Magmula noong iwan ko si saturn ay pinutol ko na lahat ng puwedeng maging connection namin sa isa't isa. I*, F******k, Twitter, Telegram. G***l, pati number ko noon ay pinalitan ko na. Gumawa ako ng bagong acc at ginawa kong private 'yon. Ayoko kasing na-e-expose ako sa social media. Okay na kami ngayon ng anak ko, tahimik na ang buhay namin.

Matapos ang pagkain namin sa jollibee, dumiretso na kami sa mall. Tamang grocery lang at bili ng mga luho ng anak kong maldita. Siya ang taga push ng cart, samantalang ako ang naglalagay ng mga bibilhin namin.

I ain't gonna cry, no

And I won't beg you to stay

If you're determined to leave girl

I will not stand in your way

But inevitably you'll be back again

'Cause you know in your heart, babe

Our love will never end, no

Biglang napantig ang tainga ko nang marinig ang boses na nasa radyo ngayon. Bakit? Bakit naririnig ko ang boses niya? Sign na ba 'to? 

You'll always be apart of me

I'm part of you indefinitely

Girl, don't you know you can't escape me

Oh darlin' 'cause you'll always be my baby

Nakauwi na kami ngayon ng apartment pero nasa radyo pa rin ang tingin ko. Hindi pa rin ako makapaniwala na narinig ko muli ang boses niya! 

And we'll linger on

Time can't erase a feelin' this strong

No way you're never gonna shake me

Oh darlin' 'cause you'll always be my baby

Matapos ang kanta ay agad kong pinatay ang radyo at tumingin sa anak kong tulog na ngayon. Yakap nito ang teddy bear na binili ni ethan noong family day. Agad kong binuhat si uranus at saka pumasok ng apartment.

"Daddy." Uranus whispered.

Napatigil ako do'n. Napatingin ako sa anak ko, nagbabakasakaling nang ti-trip lang ito, pero nakapikit ang mata niya at tila pagod na pagod. Agad akong dumiretso sa kuwarto namin at pinalitan ang suot ng anak. Inayos ko rin ang nagulong buhok nito. 

Dapat ko na bang ipakilala si uranus sa papa niya? Pero...hindi pa ako handa at ayoko pa! What if hindi tanggapin ni saturn ang anak namin? Paano kung may girlfriend nga ito? Ayokong makasira ng relasiyon! Kaya ko pa namang buhayin ang anak ko, kaya bakit ko pa siya ipapakilala? 

Hangga't kaya ko, hindi ako hihingi ng tulong sa kanya! Nakaya ko ang anim na taon na wala siya. Kaya ko rin 'yon nang kahit ilan pang dekada! 

Binalingan ko ngayon si uranus na mahimbing na natutulog. Hinaplos ko ang pisngi nito saka tipid na ngumiti.

"Mahal na mahal ka ni mommy. Huwag mong iiwan si mommy, ha? Ikaw nalang ang lakas ko, anak. Ikaw nalang." 

:>