Helga Amor

“ANO pa bang hinihintay n’yo? Bakit hindi pa kayo nagpapakasal?” magkasunod na tanong ni Tiya Amy kay Elainne nang magising siya kinabukasan. Sa tingin niya ay sinadya siyang abangan nito sa paglabas ng kuwarto para itanong ang bagay na iyon.

Dumiresto siya sa kanilang kusina at sandaling nagmumog. Ni hindi pa siya naghihilamos o nagsusuklay ay kasal kaagad ang ibinubungad ni Tiya Amy sa kanya. “Tiyang hindi ho ganoon kadali ‘yon. Ang kasal raw ho sabi ng matatanda ay hindi parang kanin na isusubo at iluluwa kung mainit,” sabi niya pagkatapos magmumog. Puyat na puyat siya dahil halos alas dose nan g umaga siya naihatid ni Lucas kagabi. Pagdating sa bahay ay hindi pa siya kaagad nakatulog dahil sa iba’t ibang emosyong naramdaman at sa dami ng alalahaning naisip niya.

Hindi niya kasi maunawaan kung bakit tila bumabalimbing si Lucas at parang gusto na nitong magbago ng isip sa pag-ayon sa nauna na nilang mga plano. Kung magpalit n