Paanong Manligaw ang Isang Bilyunaryo?

NAGISING si Elainne dahil sa kaguluhang nagaganap sa paligid. Kung kailan kailangang-kailangan niya ng pahinga ay saka naman yata bumisita si Mayor sa barangay nila. Nagkakagulo lang naman kasi ng ganoon sa Baranggay Maginhawa kapag magpapamigay ng ayuda si Mayor. Kaagad siyang bumaba mula sa kanyang higaan at lumabas ng bahay. Kailangan niyang makipag-agawan sa ayuda bago pa siya maubusan.

Pero sa halip na ang mga pamilyar na bodyguards ni mayor ang bumungad sa kanya ay ang mga nakaunipormeng alalay ng mga Imperial ang nakita niya nang lumabas siya ng bahay. Kaagad niyang nasiguro ang bagay na iyon dahil nakita niya si Emmanuelle na abala sa pamumudmod ng groceries sa kanilang kapit-bahay. “Anong kaguluhan ito?” tanong niya kay Aling Marites na president ng mga tsismosa sa kanilang barangay.

“Ano ka ba? Hindi mo pa ba nakikita ang fiancée mo? Siya ang may dala ng mga ‘yan. Bukod sa mga grocery bags ay may kasama pa siyang mga doctor para