Lucas Rented a Mall!

“WHY did you do that?”  kaagad na tanong ni Lucas kay Elainne pag-alis na pag-alis ni Mamita. Halatang hindi makapaniwala ang lalaki sa kanyang ginawa. Siya rin, hanggang ngayon ay tinatanong ang sarili kung bakit siya nagpadalos-dalos sa kanyang desisyon. Masyado siyang nadala sa nakikitang lungkot sa mga mata ni Lucas kanina kaya ginusto niyang isalba ito. Pagkatapos na marinig ang mga pinagdaanan nito at malaman kung gaano kamiserable ang lalaki sa mga nakaraang taon ay malaking bahagi ng sarili niya ang nagsabing iyon na ang pagkakataon niya para ibalik ang pabor na ginawa nito sa kanya kahit na hindi naman talaga ito nanghihingi nang ano man kapalit sa ginawa nitong pagtulong sa kanya.

            “H-honestly, hindi ko rin alam. Siguro ay dahil sa katotohanang kailangan mo ako,” tugon niya. Masusi niyang iniisip kung paanong malulusutan ang sinuong na problemang iyon. Paano ba niya matutu