Ang Naghihintay...Ang Binabalewala

“Kailangan mo pang kumain para lumakas ka,” sabi ni Elainne kay Lucas nang tumanggi na itong isubo ang kutsara ng pagkain na isinusubo niya rito. Halos isang linggo na itong nasa hospital at nagpapagaling. Ganoon na rin kahaba ang panahong boluntaryo niya itong inaalagaan. Aminado si Elainne na nang dahil sa pagkakahospital ni Lucas ay tila pansamantalang tumigil ang buhay niya. Hindi na siya nakakapag-volunteer sa Baranggay Maginhawa at halos sa hospital na siya nakatira. Sa katunayan ay halos hindi na nga niya nakakasama ang mga tiyahin niya dahil umuuwi lang siya para maligo at pagkatapos ay bumabalik na rin kaagad sa hospital. Ganoonpaman, hindi siya nagrereklamo dahil gusto rin naman niya ang ginagawa niya. Gusto niyang ibalik kay Lucas ang kabutihang ginawa nito para sa kanya.Kung hindi dahil sa lalaki ay malamang na nakalibing na siya ngayon. Utang niya sa lalaki ang kaligtasan at ang buhay niya kaya tama lang na alagaan niya ito. It was the least thing that she c