First Date

TALAGA namang ginagalingan ni Lucas ang pagpapa-impress kay Elainne. Kahapon lang ay nagpunta ito sa kanila para kumpunihin ang gripo nila na sa bandang huli ay siya rin naman ang gumawa. Ngayon naman ay maaga siyang sinundo ng lalaki para sa kanilang first-ever date. Kung si Elainne ang tatanungin ay hinding-hindi siya sasama kay Lucas pero nakialam na naman si Tiya Amy. Ito ang nakipag-usap kay Lucas. Nang kausapin siya ng tiyahin tungkol sa date na iyon ay todo drama ito. Di umano ay kailangan niyang sumama sa lalaki dahil mag-iikot raw sila sa buong Maynila para magpamigay ng munting handog sa mga out of school youth. Palibhasa ay alam na alam ng tiyahin niya na hindi siya tatanggi sa ganoong gimmick kaya malakas ang loob nito na kumbinsihin siyang sumama kay Lucas.

“Ano na namang drama ito, Imperial?” tanong niya sa lalaki pagdating na pagdating nito sa kanilang lugar. He’s wearing a blue denim pants and a simple shirt again. Pero ang kaguwapuhan ni Luc