Chapter 41

"Breakfast in bed..." Masayang bungad ni Irish sa asawang nakahiga pa sa kama. Nakita n'ya ang blangkong ekspresyon nito. Pilit binalewala ni Irish ang bahagyang kirot sa damdamin dahil sa pam-babalewala sa kan'ya ni Gab.

"Hindi mo kailangang gawin ito." Bumangon ito, nilampasan s'ya at tinungo ang terasa.

Humugot ng malalim na hangin si Irish at masiglang sinundan ito bitbit ang tray ng pagkain.

Nakatanaw si Gab sa kawalan. Tila malalim ang iniisip.

Inilapag ni Irish ang tray sa mesa at malambing na niyakap mula sa likuran ang asawa. Tila naiilang itong lumayo.

"Gab..."

"Pwede bang iwan mo muna ako?" Inis na pakiusap nito.

Walang nagawa si Irish kundi iwan ito. Ilang buwan na mula nang masagip ito mula sa kamay nila Jeanny. Nananatili itong walang maalala, ngunit nabuhayan sila ng pag-asa dahil ayon sa doktor ay pansamantala lang naman ang kondisyon nito. Kailangan ni Gab na mahabang pasens'ya at pang-unawa.

Malungkot na iniwan ito ni Irish. Kailangan