LUMUWAG ang yakap sa kanya ni Zeus. Dahan-dahang nilingon nito ang kapatid. Napalunok si Arthur na parang nahihirapan magsalita. “Ayokong bigyan ka ng sama ng loob, Kuya. At kahit kailan ay hindi ko ginustong saktan ka. Kaya naman hindi na ako magpapakasal kay Raquel.” Gulat na napatingin siya kay Arthur. “Ano bang sinasabi mo?” “Isa ba itong kalokohan, Arthur?” tanong din ni Zeus. Lumapit sa kanya si Arthur. “Raquel, ‘wag mo akong piliin dahil lang sa utang na loob. Tinawagan ko na kagabi ang mga bisita. I told them the wedding is off.” Napanganga siya sa pagkabigla. “Wala akong planong anihin ang galit mo at magdusa ka habambuhay, Kuya. Kaya ibinabalik ko na sa ‘yo ang babaeng minamahal mo,” paliwanag nito nang balingan si Zeus. “I didn't consider you a competitor. I don't want you to consider me an enemy either. Gusto ko lang ay maramdaman na mayroon akong kapatid.” “Arthur. . .” mahinang sambit ni Zeus subalit nanatiling nakatitig sa kapatid.
PAGKAGALING sa simbahan ay sakay na siya ng kotse ni Zeus. “Sweetheart, wake up.” Mainit na labi ni Zeus na dumampi sa kanyang labi ang nagpagising sa kanya. Nakangiti ang kanyang mga mata nang titigan ang lalaking minamahal. Hindi niya akalaing nakaidlip pala siya sa biyahe. Isang mabilis na halik sa labi ang iginawad niya rito. Hinaplos nito ang kanyang pisngi at ginawaran siya ng halik sa labi. Malalim. Mapusok. Madiin. May pag-ibig. Kusang pumikit ang kanyang mga mata. Pakiramdam niya ay nalulunod siya sa sensasyong hatid ng mga halik ni Zeus. Nang imulat niya ang mga mata ay may napansin siyang kakaiba sa paligid. Kahit tented ang salamin ng sasakyan ay malinaw naman niyang nakikita ang ilang puno ng niyog sa labas. “Nasaan tayo?” nababaghang tanong niya. Patuloy sa paghalik sa kanya si Zeus. Suot pa rin niya ang wedding gown. Pinanggigilan nito ang kanyang leeg pababa sa nakalitaw niyang cleavage. Muli niya itong tinanong pero umungol lang. Na
MAGKAHALONG nerbiyos, excitement at tuwa ang nararamdaman ni Raquel habang sakay sila ng bridal car ng kanyang inay. Bago ang kasal ay nag-hire si Zeus ng private detective para hanapin sa Davao ang kanyang inay. Wala pang isang buwan ay nakatanggap sila ng balita. Ang galit at sama ng loob niya para sa ina ay parang yelong nalusaw nang malaman ang mapait na dinanas nito sa piling ng bagong asawa. Sinasaktan at ginugutom ni Ricardo Alvarez ang kanyang inay. Nagkaroon ng anak na babae ang dalawa, edad isang taon at dalawang buwan. Nang malaman niyang binenta ng lalaki ang kapatid niya sa halagang bente mil, halos magwala siya sa galit. Naghain sila ng reklamo laban kay Ricardo Alvarez. Nakapiit ito pansamantala sa Davao Provincial Jail habang patuloy pa ring dinidinig ang kaso. Sa tulong ni Zeus ay nahanap nila ang mag-asawang bumili sa kapatid niya. Nang una ay ayaw pang ibalik sa kanila ang bata, ngunit sa takot na makulong ang mga ito ay napilitan na ibalik s
No part of this book may be reproduced, distributed, or transmitted in any form or by any means, including photocopying, recording, or other electronic or mechanical methods, without written permission from the author. (Republic Act no. 10372)This story doesn’t mean to disrespect any profession, all professions are noble. The plot and ideas are all because of the author’s imagination.This book is a work of fiction. Names, characters, businesses, schools, places, events and incidents in this story are all fictional. Whatever similarities you may encounter in real-life or actual persons, living or dead, are purely coincidental. All rights for products, brand name, and establishment goes to its respectful owner.All Right Reserved©️2022
MULA sa boarding house nila sa Tanza Cavite, nilakad na lang ni Raquel ang patungo sa STI University kung saan siya ay graduating na sana sa kursong Bachelor of Science in Secretarial Administration (BSSA). Kapag may iniisip siyang mabigat na problema ay mas gusto niya ang naglalakad habang nag-iisip. Nanghihinayang siya 'pagkat isang semester na lang naman at matatapos na siya sa kolehiyo. Ayaw man ay mapipilitan siyang huminto muna sa pag-aaral. Hindi na siya matutulungan ng kanyang ina na matustusan ang kanyang pag-aaral. Isang domestic helper ang kanyang ina sa ibang bansa. Patay na ang kanyang ama, kaya naman napilitan mangibang bansa ang kanyang ina upang suportahan silang magkapatid. Natigil siya sa paghakbang nang marinig na tumunog ang kanyang cell phone. “Aling Lolita, bakit ho?” bungad niya, biglang may bumundol na kaba sa kanyang dibdib. Paanong hindi siya kakabahan? Hindi ugali ng kanyang kasera na tawagan siya sa cellphone. “Raquel, si Mark, nasa
TITIG na titig si Arthur sa maamong mukha ng babaeng natutulog sa harapan niya. Maamo, napakaganda at kaakit-akit na mukha. Mistula itong isang anghel habang pinagmamasdan. Napabungtong hininga si Arthur bago kinumutan ang dalaga. Muli siyang napatitig sa mukha nito. Makapal ang kilay at matangos ang ilong. Makipot ang mapupulang mga labi. Lumabas si Arthur sa private hospital room na ‘yon. Kinausap niya ang nakatagalang doktor sa dalaga. Ayon naman sa manggagamot, ligtas sa kapahamakan ang pasyente. “May sugat siya sa ulo. Wala ho ba siyang brain damage, doctor?” Nasa tinig ni Arthur ang pag-aalala. “According to Dr. Sheryl Sambere–Specialization. Radiology. After the Head Ct (Computed Tomography, CAT Scan) was performed, no injury or blood clot was found in the patient's skull or brain.” “Thanks, God!” sambit ni Arthur. Gumaan ang pakiramdam ng lalaki sa kaalamang iyon. “What is your relationship with the patient?” Sandaling natahimik ang binata. U
KINABUKASAN nang magising si Raquel ay agad niyang napansin ang isang basket na naglalaman ng pink roses sa ibabaw ng mesa. Awtomatikong napakunot ang noo niya habang iniisip kung sino ang maaaring nagdala niyon dahil sigurado siyang bago natulog kagabi’y wala pa ang mga bulaklak. Marahan siyang bumangon. Medyo kumikirot pa ang sugat niya kapag nabibigla ang kanyang paggalaw. Pumasok siya sa banyo. Inayos niya at nilinis ang sarili. Pero habang nasa harap siya ng salamin at matamang nakatitig sa sariling repleksyon ay nakaramdam siya ng pag-aalala. Tatlong libong piso lang ang laman ng wallet niya. Paano kung kulang iyon para sa hospital bill niya? Ang perang ‘yon ay natirang allowance nila ng kapatid. Nasapo niya ang sariling noo. Ang perang ‘yon ay pandagdag sana sa pambili ng gamot ng kanyang kapatid. Kung hindi pumayag ang ospital na paalisin siya kung hindi sapat ang kanyang pera para sa hospital bill ay iiwan niya ang kanyang gold necklace. Regalo iyon sa kanya ng in
NANG bumalik si Raquel sa hospital room ng kapatid ay nagulat siya nang makita ang isang pamilyar na mukha. “I-ikaw?” naisatinig niya nang isara ang dahon ng pinto. “A-anong ginagawa mo rito?” “Hi!” nakangiting bati sa kanya ng lalaki. Ito ang lalaki na nagdala sa kanya sa ospital. “Si Aling Lolita, b-bakit wala siya rito?” “Ang tinutukoy mo ba iyong matandang babae na may nunal sa kanang pisngi?” “Oo. Nasaan siya at bakit ikaw ang naririto sa silid ng kapatid ko? Sinusundan mo ba ako?” “Maaari ba kitang makausap ng masinsinan?” sa halip ay ito ang isinagot nito sa kanya. “Wala akong panahon para e-entertain ka lalaki,” matapat niyang sabi. Itinuro niya ang natutulog na kapatid. “May malubhang sakit ang kapatid ko–” “May sakit na leukemia ang kapatid mo,” mabilis na sansala nito sa sasabihin niya. Nangunot ang noo ni Raquel. Marahil ay nabanggit ni Aling Lolita sa lalaki ang tungkol sa sakit ng kapatid niya. “Ngayong alam mo na ay maaa