Kabanata 30

"May problema ba?” tanong ni Kara nang huminto ako sa paglalakad. Kunot ang noo niya na tumingin sa akin, labis na nagtataka sa aking ikinilos.

Umiling ako. Bumaba ang tingin kay Wred na karga ko sa aking bisig.

“Malaki ang utang na loob ko kina Carnation at Luca dahil palagi silang nariyan para alagaan si Wred.” Malalim akong na pa buntonghininga.

“Sana maging maayos ang lahat.”

“Come on. Cheer up, na!”

Bumaba si Kara mula sa mataas na baitang ng concrete stair ng main door ng aming mansion at lumapit sa akin. Hinuli niya ang magkabilang pisngi ko at sinalubong ang aking tingin.

“H’wag kang susuko. Trust me! Tito will approve your relationship with my best friend. Hindi ka matitiis ng daddy mo. Ipaglaban niyo ni Wregan ang pag-iibigan niyo, patunayan niyo sa lahat na tunay ang nararamdaman niyo,” mahaba at seryosong payo niya sa akin.

Pinakawalan ni Kara ang mukha ko.

“Salamat, gumaan ang loob ko dahil sa mga sinabi mo.”

“Ikaw pa ba? Isa ka sa mga palaban at matapang na babaeng n