Kabanata 23

MAHIGPIT akong napahawak sa laylayan ng aking dress pagkatapos ipagtapat kay Enver ang tungkol kay Wred. Gaya ng pinangako ko kay Dad, nakipagkita ako sa kanya sa isang fine dining restaurant para kumain ng lunch. Dala ang pag-asa na maging successful ang plano ko, naglakas loob akong banggitin sa kanya si Wred at ang sitwasyon ko. Sinabi ko sa kanya ang lahat maliban na lang sa isang bagay, hindi ko pinaalam sa kanyang si Wregan Leath na isang kilalang model ang ama ng anak ko.

"Sana hindi sumama ang loob mo dahil 'di ko ito pinaalam sayo noong dinner kasama ang family natin." Nagpakawala ako ng malalim na buntong-hininga. "Sa totoo lang nagdadalawang isip akong sabihin sayo noong una, pero naisip ko na mas makabubuti na malaman mo. At kung balak mong umatras sa arrange marriage na ito, naiintindihan kita." Pinalungkot ko ang mukha at nag-angat ng tingin sa kanya, ngunit nagulat ako nang makita chill lang itong kumakain.

Napakurap ako ng ilang beses. Narinig naman niya ang lahat ng si