Kabanata 28

“Pakulo lang ng management ko ang article na iyon, at hindi totoong nagpa-prescon ako.” Malalim siyang nagbuntong-hininga. “Hindi lang tagapagmana ng LNox corp. ang babaeng iyon, isa rin siyang rising actress sa showbiz industry at management ko ang nagha-handle sa kanya, kaya hindi na katakataka na gamitin nila ang pangalan ko para mas i-angat ang pangalan ng bagong talent nila,” mahabang paliwanag niya.

Hindi ako nagsalita at nanatili lamang nakayuko, nilalaro ang aking mga daliri. Sa totoo lang ay nakahinga ako ng maluwag dahil sa ginawa niyang pagpapaliwanag. Pero mas naguluhan ako sa sarili kong nararamdaman, nagselos nga ba ako dahil sa babaeng iyon? At kung selos nga ito, ang ibig sabihin ba ay may nararamdaman ako para kay Wregan Leath?

“Hindi ka na nagsalita. Ano hindi ka na ba galit sa ‘kin?” Umangat ang tingin ko sa kanya na nakatayo sa aking harapan. Gulo-gulo ang buhok at hindi man lang na zipper ng maayos ang kanyang pants. Napatitig ako roon, init na init pa rin siya. “