Kabanata 4

"TINGNAN mo nga naman, iniisip lang kita kanina ngayon nasa harap na kita." Umikot ang mata ko sa pahayag ni Wregan Leath. I really don't want to do this pero wala akong pagpipilian. It's either malaman ni Dad ang tungkol kay Wred o malaman ni Wregan ang tungkol sa anak namin. I'll choose the latter. Mas kaya ko pang i-handle ang lalaking ito kesa sa disappointment at galit ng ama ko.

"Gusto kong namnamin ang sandali nang muli nating pagkikita, pero bakit may palagay akong hindi maganda na nasa harap kita ngayon, Miss Doukas," sabi niya at sumandal sa hamba ng pinto.

"Hindi mo man lang ba ako aalukin na pumasok? Ang pangit mo pa lang bisitahin,” mataray kong pahayag. 

He just chuckled. 

"What is that?" Turo niya kay Wred na natabunan ng scarf ko. Nakasampay kasi sa balikat ko ang scarf na napakalaki at natatabunan nito ang halos buong harapan ko, pati ang karga kong si Baby Wred.

"Pwede ba papasukin mo muna ako!" 

Nilingon ko ang paligid. Mahirap na at baka may makakita sa akin sa labas ng condo niya at magkaroon pa ng issue. 

"Bilisan mo! Bago may makakita sa atin dito sa labas ng condo mo." 

Hindi naman siya nagtanong pa at gumilid na lang para makapasok ako. Sinara nito agad ang pinto at sinundan ako sa salas. Naupo ako sa single couch at tinanggal ang balabal.

"Finally! Grabe sobrang init sa labas!" wika ko at pinunasan ang pawis sa mukha at leeg. 

Napako ang mata ni Wregan sa karga kong sanggol, naka-lock ang bibig ni Wred sa malusog at bilog na bilog kong dibdib 

Napalunok  si Wregan Leath ng malaki. "What the f*ck is that!" hysterical niya na para bang never pa siyang nakakita ng sanggol na dumidede.

"Hindi ba obvious?"

"F*ck! You have a baby!"

"Yes! Baby itong karga ko Mr. Leath, hindi laruan." Tumayo ako mula sa couch at lumapit sa kanya na nanatiling nakatayo. "Wregan Leath, meet Wred…your son." 

Hindi siya kumibo. Natulala lang siya sa akin at sa baby na karga ko. Hindi ko tuloy maiwasan na mag-alala. Paano kung hindi niya tanggapin si Wred? What if bigla niyang sabihin sa akin na hindi siya ang ama? No! Hindi ako papayag na magmukhang tanga sa harap niya. I never slept with another guy after sleeping with him!

"Here..." 

Ipinasa ko sa kanya si Baby Wred na agad naman niyang tinanggap. Nanginginig pa ang kamay niya, gusto ko tuloy matawa. Mukhang okay naman sa kanya, nagulat lang talaga nang ipakilala ko ang anak niya sa kanya.

"Hey, you knew me right?" 

Akala ko ako ang kausap niya. Pero nang makita kong kay Baby Wred siya nakatingin, napangiti ako. Para naman siya timang.

"I'm your dad," proud niyang sabi sa sanggol. 

I look down at Baby Wred, titig na titig ito kay Wregan, pinag-aaralan ang mukha ng ama. "He's studying your face."

"Yeah, he's trying to figure out who I am." 

I nodded, agreeing with him. Lumapit ako sa kanilang mag-ama at sabay naming pinagmasdan ni Wregan ang aming munting sanggol.

"Wala siyang nakuhang feature sa akin," nagtatampo kong sabi. I look at my son's adorable face and then look at Wregan's handsome face. Para talagang carbon copy ni Baby Wred ang ama niya. 

Napangiti ako.

"Ang sabi ng matatanda kung saan daw mas hawig ang anak, siya raw ang mas genuine ang feelings during s*x," biro niya na ikinawala ng ngiti ko. 

Bumaling ako sa kanya at nagtama ang tingin namin. Tila magnet na hindi ko maalis ang tingin sa mga mata ni Wregan. Hindi ko maitatanggi na naroon pa rin ang kakaibang init na hatid niya sa katawan ko, ang kakaibang init na pinabibilis ang tibok ng puso ko sa tuwing malapit siya sa akin. Dahan-dahan niyang inilapit ang mukha sa akin, pero walang pasabi akong umiwas at umalis sa tabi niya. No. Hindi na ulit ako magpapatalo sa nararamdaman ko. Wala kaming future, hindi kami pwede.

"Sabi-sabi lang ng mga matatanda iyon. Pure s*x lang ang nangyari sa atin noon dahil in love ka pa rin sa ex mo, at ako naman ay gustong kalimutan si Luca," casual na sabi ko at nilingon ang paligid ng condo. 

"Ang ganda niya dito," komento ko pa sa malaking larawan ni Carnation sa wall ng condo niya. See? Hindi pa rin niya nakakalimutan ang ex-girlfriend niya kahit asawa na ito ng matalik niyang kaibigan.

***

"SIGURADO KA bang naintindihan mo ang lahat ng sinabi ko?" Nakataas ang isang kilay na tanong ko kay Wregan. Hindi ito sumagot at nakatuon lang ang tingin sa kawalan.

Nagpakawala ako ng malalim na paghinga. 

"Hindi bale. May notes naman akong nilagay sa bag ni Baby Wred. Basahin mo na lang kung sakaling makalimutan mo ang mga dapat na gawin. Alagaan mo ng maayos si Baby Wred," bilin ko pa. Sana lang talaga tama ang naging pasya ko na iwan sa kanya ang anak ko.

"I really appreciate that. It's not that I didn't pay attention to what you were saying. Hindi lang talaga pumasok sa isip ko lahat, nasa state pa kasi ako ng labis na pagkagulat. Who would have thought? Nagbunga pala ang isang gabi—"

"Stop right there. Let's not talk about that night. Pareho tayong hindi stable mentally at emotionally ng gabing iyon. Kaya kung maaari sana, iwasan nating pag-usapan ang tapos na."

Ito naman ang nagpakawala ng malalim na buntong-hininga, pagkatapos ay sunod-sunod na tumango. 

"Fine. If that's what makes you sleep at night," tugon niya na umani naman ng masamang tingin sa akin.

"What?"

Ano ba pinagsasabi ng lalaking ito? To make me sleep at night? Iyon naman ang totoo ah? Wala kami sa tamang pag-iisip kaya namin nagawa iyon.

"Don't make fun of me Wregan Leath, kung may ibang tao lang na pwedeng mag-alaga ng anak ko, baka hanggang ngayon 'di mo pa rin kilala si Wred." Nag-igting ang bagang niya sa narinig.

"No. Ikaw dapat ang magpasalamat Miss Doukas. Wala kang Wred Leath ngayon kung hindi dahil sa sperm ko," mayabang niyang saad at ngumisi. "Sabihin mo lang kung gusto mo pa ng anak, handa akong mag-donate ng sperms para sayo, kahit ilang anak pa iyan. Basta ba gagawin pa rin natin sa natural na paraan."

"It's Wred Doukas, not Wred Leath. And sorry to burst your bubble, pero kung mabuntis man ulit ako ay sa lalaking mahal ko na." S******p niya ang inner cheeks. Nakakainis. Akala ba nito magpapatalo ako sa kanya? No way! 'Di na ulit ako mahuhulog sa charm ng lalaking ito, hindi na niya ulit ako ma-ikakama!

"Babalik ka ba mamaya?" Pag-iiba niya ng paksa.

"Hindi. Sa tingin ko'y sa susunod na araw pa ako babalik dito sa condo mo," kaswal kong sagot at kumagat sa slice ng pizza na hawak ko. Natutulog na si Baby Wred. Inalok naman ako ng merienda ng lalaking ito at hindi na ako nakatanggi. Gutom na rin kasi ako.

"Won't you miss our Baby Wred?" Umikot agad ang mata ko sa hangin dahil sa tanong niya.

"Of course, anak ko 'yan eh. Again, my Baby Wred. Sperm lang ang na ambag mo huwag kang feeling proud na daddy d'yan."

Pasinghap na natawa siya sa sinabi ko. "Excuse you, Miss Doukas. Pero nagpakahirap akong gumiling para sa batang iyan. Bigyan mo naman ako ng credits!"

"Tigilan mo ako Wregan Leath, hindi ako natutuwa sa mga banat mo," wala sa mood na anas ko at tumayo mula sa high chair.

"Aalis ka na?" tanong agad niya at sumunod sa aki palabas ng kitchen. "Hindi ba pwede na mamaya ka na lang umalis? Masyado pang maaga."

"I need to leave. Bibisita lang sa friend ang paalam ko kay daddy, at hindi ako pwedeng mag-extend. He'll be upset, and I can't afford that to happen."

Wregan sighed. "Fine. Pahingi na lang ako ng number mo." Tumaas ang kilay ko. "What? I need your number, baka biglang magkaroon ng emergency. Paano kita mako-contact kung hindi ko kukunin ang number mo?"

Tinalikuran ko siya pero automatik niya akong kinabig sa braso paharap sa kanya. Kaya lang nagkamali ako ng hakbang, at nawalan ng balanse kaya napayakap ako sa kanya.

"Hey, hey, hey! Tignan mo… Hindi ka pa nga nakaka-alis miss mo na agad ako," biro niya at tumawa. Humiwalay agad ako ng yakap sa kanya at marahas siyang tinulak.

"I will never miss you," angil ko. Tumalikod akong muli dito, at mabilis na nagtungo sa harap ng pinto. "I need to go. Please, alagaan mo ng mabuti ang anak ko."

"Wred is my son too," seryosong saad niya at sinalubong ang mata ko nang lingunin ko siyang muli.

I rolled my eyes. "Whatever…," sabi ko dito at lumabas na ng pinto. Hindi ako pwedeng magtagal sa lugar na ito, pakiramdam ko ay hindi ako makahinga sa dahil sa presensya ng lalaking ito. Kanina ko pa napapansin ang mga titig niya na para bangpati kaluluwa ko ay nakikita niya. Hindi ako komportable.

***

"HOW WAS IT? Hindi naman ba nag-freak out ang baliw?" tanong agad ng pinsan kong si Kara nang pumasok ako ng kotse niya.

I shook my head. "Mukhang hindi pa nga siya nagulat na may anak kami," sagot ko at nagpakawala ng malalim na buntong-hininga.

"Well, that's Wreggy. But believe me, masaya iyon na makilala si Baby Wred," sabi pa niya at minaniobra ang sasakyan palabas sa parking ng gusali.

"Mukhang masaya nga siya," wala sa loob na pagsang-ayon ko.

Second cousin ko si Karen Rae, magpinsan ang ama namin sa dela Vega side. Ayaw ko man, wala akong choice kundi sabihin kay Kara ang tungkol kay Baby Wred. We're not that close, ang Ate Reyna ko ang talagang malapit dito, pero nakasisiguro naman akong hindi niya ibubunyag sa pamilya namin ang sikreto ko. I know that I can trust her.

"Kailan mo balak sabihin sa kanila ang tungkol kay Baby Wred?" mamaya ay tanong ni Kara sa akin. "Hindi ka ba natatakot na malaman ni Tito Xander mula sa ibang tao?"

"Walang nakakaalam bukod sa manager ko, ang doktor na nagpa-anak sa akin at ikaw," makahulugan kong sagot sa kanya.

"I'm not going to say anything; you can put your trust in me. Pero babalaan kita, your father is the Aegis of our clan. He possesses the power to know everything," paalala niya. Nakatuon lang ang tingin sa kalsada.

"I know." I took a deep breath. "Alam ko naman na darating ang araw na malalaman din ni daddy ang totoo. Believe me when I say I want to tell the truth to my father. It's only…" Kusa kong hindi tinapos ang sasabihin. Mahalaga para sa akin ang approval ni daddy, at sa sitwasyon ko ngayon. Alam kong hindi nito magugustuhan ang ama ng anak ko.

"Just what?" pukaw ni Kara sa akin na natulala na sa unahan. Ilang beses akong kumurap at nilingon ito. Tipid ko siyang nginitian.

"Dad will approve of anyone except Wregan." Sa sinabi ko ay pareho kaming nagpakawala ng malalim na paghinga.

"Right, I almost forgot about that part. Bakit sa dami-dami ng lalaki sa mundo doon ka pa nagpabuntis sa lalaking cancel." Mariing akong pumikit. Bakit nga sa dami ng lalaki si Wregan Leath pa? Bakit sa lalaking katulad niya pa na kahit kailan hindi maaaring maging parti ng pamilya ko.