KABANATA 61

Tapos na ang isa at kalahating araw ko sa Cebu at nandito na ako sa amin after almost an hour of travel. Magkaiba kami ng destination nina CJ at Bea kasi pa Davao sila samantalang kami ni Chris pauwi dito sa amin sa Cagayan de Oro.

Akala ko nga, sasabay siya kina Bea kasi may trabaho naman siya bukas, pero sumabay siya sa akin kasi ayaw niyang ako lang ang mag-isang bum'yahe.

Pagkatapos niyang maihatid ako sa bahay namin, saka pa lang siya dumiretso sa Claveria. Uuwi daw muna siya sa kanila kasi lagi daw nagtatanong ang mama niya kung kelan siya uuwi.

Taga Claveria talaga sina Chris, Bea at CJ. Doon din ako na-assign as Junior High School teacher sa isa sa mga public schools sa lugar nila kaya ko sila naging estudyante noon. Ngunit dahil sa Davao City sila ngayon na-assign sa trabaho, kaya minsan lang silang nakakauwi sa kanila.

"Hi mama, magandang hapon po!", bati ko sa aking ina nang madatnan ko siya sa sala na nanonood ng telebisyon. Nagmano ako sa kamay niya saka ako humalik sa