Chapter 24: Rencounter

Hindi ako lumingon sa kaniya bagkus nanatili akong nakatayo sa harapan ng pintuan. Hindi ako makagalaw. Maraming mga tanong agad ang pumasok sa isip ko.

Bakit nandito rin si Honey Li? Sila na ba?

"Excuse me?"

Nabigla ako nang marinig ang boses niya sa likod ko kaya napa-abante ako para makadaan siya palabas. Nang mapansing mawawala na siya sa paningin ko ay hindi ko alam kung bakit nagawa ko pang sundan siya. Parang may mga sariling isip ang dalawang paa ko.

Habang papalapit nang papalapit kami sa labas ng mall parang nakikipagkarerahan ang puso ko dahil sa sobrang bilis ng tibok nito. Pinaghalong kaba at excitement ang nararamdaman ko ngayon.

Nang makitang lumabas siya sa mall ay ganoon din ang ginawa ko. Sinundan ko siya hanggang sa pinakadulo kung saan hindi maraming taong dumadaan. Napahinto lang ako at agad nagtago sa gilid nang makitang huminto siya sa harap ng kulay itim na kotse.

Kumaway siya sa harap ng kotse. Parang nagkaroon pa ng slow motion nang dahan-dahan bumubukas a