Chapter 23: Call

"Mia!" sigaw niya ulit at sabay tumakbo papalapit sa akin.

"Bianca? B-Bakit nandito-'' napahinto ako sa pagsasalita nang sinakop niya agad ako ng isang mahigpit na yakap.

"Nandito ka lang pala! Kanina pa kita hinahanap! Sa susunod pa sana na taon ang punta ko rito pero ang boring do'n sa America palaging wala si mommy at daddy dahil sa trabaho. Mabuti nalang pumayag sila na dito ang mag-bakasyon. Na-miss kita ng sobra, Mia!'' paiyak-iyak niyang sinabi.

Napangiti ako sa huling sinabi niya.

"Na-miss din kita," sambit ko at walang pasubaling niyakap din siya pabalik.

Ito ang unang beses ng pagkikita namin pagkalipas ng dalawang taon. Pinili niyang mag-aral ng college sa America dahil ito ang gusto ng mga magulang sa kaniya at para buo silang pamilya roon.

Kumalas ako sa pagkakayakap sa kaniya upang tanungin pa sana siya nang biglang dumating ang dalawang pulis kasama ang babaeng nanakawan ng wallet.

"Siya! Siya ang nagnakaw ng wallet ko!" galit na sigaw ng babae habang tinuturo nito an