CHAPTER 19: Because of you!

NANG sumunod na araw ay ipinagpatuloy ni Almira ang paninilbihan kay Gabriel. Pansin niya pagbabago sa binata, mula sa pagiging masungit ay lagi na itong nakangiti sa tuwing kasama siya. May improvement na rin sa pagsusumikap nitong ginagawa para makapaglakad muli.

Kaagad niyang kinuha mula sa bag ang malinis na bimpo. Nang tumigil mula sa pag-e-enerhisyo ang binata ay kaagad niyang iniabot dito ang hawak.

“Trapuhin mo ang pawis mo, masama sa katawan ang matuyuan ng pawis,” utos niya rito.

Ngumiting tipid si Gabriel at saka humakbang palapit sa kanya, “Bakit hindi ikaw ang gumawa? Masakit ang mga muscles ko, parang ang hirap ikilos,” kunwari nito.

Nataranta si Almira at wala nang nagawa pa kundi ang gawin ang sinabi nito. Dahil sa may katangkaran ang binata ay hirap siyang abutin ang noo nito bagay na ikinaatras niya nang iyuko ni Gabriel ang ulo at pumantay sa kanya.

“Ayos na ba?” Nakakalokong ngiting tanong sa kanya ni Gabriel.

Naiwas niya ang paningin at tinuyo ang pawis nito gamit