Kabanata 20

Tanghali na nang magising si Kari kinabukasan. Ayaw niyang bumangon pero may kumatok sa pinto ng kwarto niya.

“Sino ‘yan?” tanong niya habang nakapikit pa rin.

“Ma’am Kari, oras na po ng pagkain.”

Suminghap siya at hinigpitan ang pagkakayakap sa kanyang unan. “I don’t wanna eat, please, stop disturbing my sleep.”

“Sige po, ma’am. Pasensya na.”

Wala na ulit kumatok sa pagkatapos no’n pero hindi na rin siya nakatulog ulit. Naligo na lang siya at inayos ang sarili, aalis siya dahil hindi siya mapakali sa bahay nila. Hindi na siya komportable. Wala rin siyang ganang pumasok sa eskwelahan.

Naglagay siya ng concealer para matakpan ang pamumula ng magkabilang pisngi niya dahil sa mga sampal ng ina, mabuti ay hindi sobra ang pamamaga kaya hindi masyadong halata. Slippers lang ulit ang sinuot niya dahil hindi siya makakalakad ng maayos sa sapatos.

Pagkababa niya ay nagulat siya nang may humarang sa kanya na kasambahay.

“Binilin po ni Mada’am Elena na wag kayong paaalisin.”

Napairap siya sa han