Chapter 13

CANDICE

“Okay ka lang ba? Halika sa loob,” sabi niya. Bigla akong napayakap ng makilala ko ang lalaki. Si Gabriel pala ang lalaking nagligtas sa akin.

“Nasaktan ka ba? Bakit ka kasi lumabas ng hindi ako kasama?” saad niya habang hinahaplos ang buhok ko at nakaakbay ang kabilang braso sa akin. Binigyan niya ako ng tubig at dahan-dahan na inupo sa sofa.

Takot na takot ako at walang tigil ang pagbuhos ng luha sa mga mata ko. Magkahalong takot at kahihiyan ang inabot ko ngayong umaga.

“Pasensya kana Gabriel, nawala kasi ako eh hindi ko matandaan kong anong unit ng kwarto mo.”

“Ano? Bakit ka kasi lumabas? Tingnan mo tuloy ang nangyari sayo. Madilim pa nasa labas kana at bakit nakapantulog ka pa?” lukot ang kanyang mga noo at kitang-kita ang mga guhit sa noo niya habang nakatitig sa suot kong pantulog.

“Sa pagmamadali kong makalabas agad ay nakalimutan ko pala na magpalit ng damit kaya ganito ang suot ko,” napayuko ako sa sobrang kahihiyan sabay hawak sa noo ko.

“Saka bakit hindi ka sa rec