Chapter 12

CANDICE

“Ano ba naman itong lalaki na ito ang gwapo-gwapo tapos ang kalat ng condo,” bulong ko sa sarili.

Habang nasa ibaba si Gabriel at kinukuha sa sasakyan ang iba ko pang gamit ay nag ikot-ikot muna ako sa loob ng condo unit niya, malawak ito at may dalawang kwarto. Halatang mayaman dahil kahit kaunti ang mga gamit ay masasabi mong mga mamahalin iyon. Napansin ko rin na ang dami-dami niyang damit nahiya tuloy ako sa isang maliit na maleta na dala ko at halos nandun na lahat ng damit ko.

Napansin ko rin na wala siyang mga gamit sa pagluluto sa kusina, sayang naman ang magandang lababo dahil hindi nagagamit.

Napa-buntong hininga ako, pakiramdam ko kasi na ang lungkot-lungkot ng buhay ni Gabriel. Kaya siguro siya laging nasa bar para pag-uwi niya dito ay matutulog na lang siya.

"Hoy!! ano bang tinitingnan mo riyan?" halos mabitiwan ko ang hawak kong cellphone dahil sa panggugulat ni Gabriel.

"Halika nga rito," sabi niya at saka niya ako niyakap sa likod. Nakaharap kami sa labas