49

“Naglakad ka papalayo? Why, Zyline Cerise? Why?” Malakas ang boses ni Cyan habang kausap si Zyline sa telepono. Malakas ang ulan sa Tarlac kaya naman nasa loob lang ng kwarto niya si Zyline at nakaupo sa kama. Ibinigay na sa kanya ni Hunter ang cellphone niya dahil ang sabi nito’y baka nag-aalala na siya ng husto sa kambal. Ibinalik nito iyon sa kanya noong makabalik sila pareho sa bahay. Naunang bumalik si Zyline kaysa kay Hunter. Wala na siyang ibang narinig pa kay Hunter mula noon.

Hindi rin ito nagpapakita sa kanya.

She’s worried about the twins, yes. Pero sinabi naman ni Hunter na maayos ang kalagayan ng dalawa at naniniwala siya roon. Matapos niyang kamustahin kay Rain ang mga anak niya, si Cyan naman ang sunod na tinawagan niya. She tried to call Bobbie, but he’s not answering his phone. Siguro’y busy ito sa trabaho.

“E, kasi naman hindi pa rin niya sinasabi ‘yung tungkol kay Tanya…” napahugot ng malalim na hininga si Zyline. Hindi naman nawala ang pagmamahal niya kay Hunter. M