48

Nagising si Zyline nang makaamoy ng mabangong aroma ng kape na bumabalot sa kwartong inookupa niya, maging ang amoy ng pagkain ay tila ginigising siya mula sa pagkakatulog. Sinubukang ipikit pa ni Zyline ang mga mata at piliting matulog pa ngunit kumakalam na rin ang sikmura niya.

Nagmulat siya ng mata at ang munting liwanag na nanggagaling sa bintana ang agad na bumungad sa kanya. Nararamdaman niya din ang malamig na hangin dahil sa ulan. Hindi niya alam kung anong oras na ngunit sa palagay ni Zyline ay tanghali na.

“Good morning, asawa ko…”

Napalingon si Zyline sa nagsalita. Nakatayo si Hunter sa may paanan ng kamang hinihigaan niya at nakangiti sa kanya habang pinagmamasdan siya. Hindi siya nagsalita.

Pinagmasdan niya si Hunter na nakaputing sando at shorts lamang ngunit tila napaka presko ng itsura nito. Maaliwalas din ang pagkakangiti ni Hunter sa kanya.

Bumangon si Zyline at naupo sa kama. “What are you doing here?” tanong niya sa lalaki matapos bahagyang suklayin ang buhok g