CHAPTER 6

Ilang araw ng pinag-iisipan ni Cressida ang hiling ng nanay niya sa kaniya. Kahit pa sabihin neto sa kaniya na hinanap sila ng tatay niya. Hindi pa din maalis sa kaniya ang katotohanang pinabayaan sila. Hindi na sila muling binalikan ng tatay niya. Kasi kung gusto talaga ng tatay niya na kunin sila sana ay pinaglaban niya ito kahit pa pinagtabuyan ng paulit-ulit ng nanay niya ni Segundo.

Kaya sobrang labag sa loob niya ang hiling ng nanay niyang hanapin pa si Segundo. Wala ni katiting sa puso niya ang kagustuhang makita pa ang tatay niya. Masaya na kasi siya na kasama niya ang nanay niyang tumayong ama't-ina sa kaniya. Ni minsan ay hindi pinaramdam sa kaniya ng ina niya na may kulang sa pagkatao niya. Lahat ng pagmamahal binuhos sa kaniya. Nagsumikap ito para mapag-aral siya. Kung hindi lang ito nagkasakit ay hindi siya mapipilitang mag-trabaho habang nag-aaral. Maganda kasi ang dating trabaho ng nanay niya. Staff ito sa isang pablika ng pagawaan ng mga bag. Nahinto ang nanay niya no