Chapter 3

CHAPTER 3

"Ay ang chaka naman ng ex mo! Bakit mo ba tinititigan ang picture nyan? Eh mas gwapings pa 'ko dyan pag naging fafabelz ako!" nandidiring ani ni Bently at lumapit sa gawi ko.

Natatawa akong hinampas sya sa balikat at ibinaling ang mata sa litrato.

"Gaga, ide-delete ko! Gagawa ako ng mga new memories duhh!" 

"Memories ng magiging jowa mong bago?" 

Umiling ako at nag patuloy sa pagse-select ng mga picture namin. May mga selfie pa sya roon at ilang stolen pictures dahil sa akin.

"Ayaw ko na baks, tatanda nalang akong dalaga," natatawang usal ko.

"Pakiramdam ko kasi, hindi talaga sa akin ang mga love life-love life na 'yan. Sinubukan ko naman lagi na mag hanap ng matitino pero ang ending, waley. Parang ako pa lagi ang talo. Parang ako lagi ang dapat mag-adjust."

'Sinubukan ko naman 'di ba?'

'Nagmahal naman ako.'

Aaminin ko na lahat ng naging ex ko, sineryoso ko lahat. Kaso tingin lang pala sa 'kin ay malaking biro.

Sadyang hindi na talaga ako aasa sa mga ganyang keme-keme. 

"Suss! Kaya ba? Eh baka nga bukas-makalawa ay may na pikot ka nang asukal de papa ka na riyan?"

"Ano ka ba! Kadiri ka! Gumagaya kana sa pagiging madaldal ni Rin!" nandidiring saad ko at inirolyo ang mata.

"Duhh, I'm a sisteret so okay lang maging loud!"

Humagalpak ako ng tawa at nag asaran pa kami bago tuluyang matapos sa pagde-delete ng picture.

*

"Baks labas lang ako! Pahiram kay Poochi ha?! Nasa akin na ang susi!" sigaw ko at inayos ang pagkakabuhol ng sinturon sa high waisted jeans na suot ko. Si Poochi yung pangalan ng kotse nya.

"Hoy! Ang galing mo naman! Saan ka pupunta aber?!" 

Sinuri nya ang suot ko at tinaasan ako ng kilay.

"Bibili ako ng makakain! Nakaka-bored sa bahay mo! Wala na ngang free foods tapos baka hindi mo pa ipahiram si Poochi! Ayaw ko na sa luto mo," pang-aasar ko.

"Bibili ng makakain tapos ang suot parang a-attend ng bar? Huwag ako Anna Marie! Sasakalin kita!" sigaw pa nya.

Ngumuso ako at nagpapadyak.

"Bibili nga lang Bently Theodore! Gutom na talaga ako! Ang panget kasi ng lasa ng luto mo!"

"Aba'y nakikitira ka na nga lang! Basta may pasalubong ha?! Pizza tapos melktey!" bilin nya sa 'kin at hinintay ako makaalis.

Tumango na lang ako at lumabas na sa pinto. I inserted the key and started the engine as I drove in my favorite market.

*

I stopped when I finally reached my destination.

Totoo talaga na bibili ako ng pagkain pero charrot lang na pangit ang lasa ng luto ni Berta. Magaling ito mag luto at t'yak mafa-fall ang mga babae kung nagpakalalaki lang sana ito, kaso waley. Matigas ang muscle pero pusong mamon!

Iwinahi ko ang buhok bago hawakan ang seradura ng pinto at buksan iyon.

  "Ouch!"

"Aray!"

Napatigil ako sa paglalakad nang makabunggo ng isang malaking bulto. Tumama pa ang bandang noo nya sa sliding door kaya napasapo ito sa parteng iyon.

"S-sorry! Sorry. Lutang pa kasi ako sorry talaga!" paghingi ko ng paumanhin bago iangat ang paningin sa nabangga kong lalaki. 

Jusko! Kung minamalas ka nga naman!

Napanganga ako nang magtama ang mata namin. Awang ang mapupulang labi ay ipinikit-pikit nya ang mata bago titigan ulit ako.

Then I saw a gorgeous man wearing a blue long sleeves and standing there cutely.

'Fotek! Ang gwapo! Kaninong boyfriend 'to? Itabi nyo, ako na!' 

Tumitili na ang buong sistema ko nang mag tama ang mata namin. 

Ngunit nang ma-realize ko kung sino ang kaharap ko, gusto kong mag laho nang mamukhaan ang lalaking iyon. Napatakip pa ako sa bibig habang nakanganga ang labi, hindi makapaniwala.

"U-uhh it's okay. I'm f-fine thanks," he muttered nervously as he looked down at his spilled coffee. Napakurap-kurap ulit ako ng makita na natapunan sya ng kape sa braso. Namumula pa ito at halatang na puruhan dahil sa sobrang init.

"Owemji! S-sorry! Sorry! Gagamutin kita okay? Diyan ka lang ha? S-saglit lang ako promise!" ninenerbyos na ani ko.

Dali-dali akong nag hanap ng bulak at mga pwedeng panggamot sa paso. Mabilis kong nilibot ang tindahan bago magbayad sa cashier at tumungo sa bench na nasa labas lang noon.

"Pasensya kana talaga. Hindi ko sinasadya... s-sorry," ilang beses kong paghingi ng tawad sa kanya. 

Lalo akong binalot ng guiltiness ng tipid sya sa aking ngumiti. Pakiramdan ko ay galit sya sa akin pero pinipigilan nya lang dahil ayaw nya ako awayin.

"I told you lady, I'm fine now. No need to waste your time healing me," he said in a low voice. 

Napatanga ako sa at ibinaba ang tingin sa aking kamay. Nakaupo kasi kaming dalawa sa bangko na naroon at pinilit ko syang magpagamot sa akin.

"Huwag ka na magalit. Alam ko namang masakit 'yan kaya hayaan mo akong gamutin okay?" litanya ko. Tumango lang ito at inilahad ang braso sa akin.

Marahan kong idinampi ang bulak na may gamot at minasdan ang reaksyon nya. He didn't even flinch or show any reaction that I'm hurting him. Alam ko na masakit talaga iyon pero nakatitig lang sa akin ang inosente nyang mga mata.

Ilang minuto na walang namutawing salita sa pagitan namin kaya nagulat ako nang iangat ko ang tingin ay nakatitig na sya sa akin.

"You're that lady," he almost whispered. 

Gulat akong napalunok.

'Nakikilala nya ba ako? Baka naman iba ang tinutukoy nya.'

Agad na namula ang pisngi ko. Akala ko ay hindi nya ako nakikilala pero mukhang mali ako ng naiisip.

"A-ako? Ano ako?" maang kong tanong at bahagyang lumayo nang matapos gamutin ang sugat nya.

He grinned at me cutely while his dark gray eyes roamed around my face.

"You're the lady who said that s-x is awesome," he continued. Para akong binuhusan ng yelo dahilan para  mangatog ang tuhod ko sa sobrang hiya.

So naalala nya nga! Akala ko ay pareho kaming lasing pero natatandaan ko ang itsura nya! Bahagya akong nagpeke nang ngiti at sinalubong ang titig nya.

"S-sinabi ko 'yun sa 'yo?"

Tumawa lang sya nang mahina at parang nage-enjoy sa reaksyon ko. Ngumuso ako at iniwas ang tingin. 

"Yah. You said that it's masarap but it's not. You slept and left me having a bellyache lady." May pang-aakusa sa tono nya at parang bata na hindi natupad bilhan ng candy.

Mahina akong napamura.

'A-ano?! Sinabi ko na masarap ang bagay na iyon?'

Napasapo ko ang noo sa sobrang kagagahan. Kung hayok sa s-x ang isang ito, malamang ay nakailang mura na ito sa 'kin.

Tinitigan ko ang gwapong lalaki na may kaunting ngiti sa labi. Lumalabas din ang biloy nito sa parehong pisngi kaya naman mas lalo syang gumwapo tingnan!

"B-bakit? B-bakit—a-ano... Bakit ko g-ginawa 'yun?" I stammered while looking at him. Ibinaling nya ang ulo sa ibang direksyon at ibinalik ulit sa 'kin ang tingin.

'Ang gwapo nya. Parang gusto ko nalang mahimatay pag tumitingin sya sa 'kin'

"You're sad last night." Natigil ako sa mga iniisip ng mag-salita ulit sya.

 "You even cried at me and asked me if you are beautiful," he continued.

Hindi ako nakaimik. Nahihiya ako dahil nakita nya pa akong ganoon pag lasing. Siguro ay ang walang hiya kong ex ang naiisip ko nung gabi 'yun.

"Bakit ka naglasing?" he asked curiously. Itinabi ko ang panglinis ng sugat sa aking bag at ngumiti.

Kaswal akong nag-isip ng sagot.

"Broken ako eh," simpleng ani ko.

Tumaas ang isang kilay nya at nag taka sa sinasabi ko.

"Pag broken ba kailangan mag-inom?" he asked curiously.

Tumango ako bilang sagot kaya napatango-tango rin sya.

Nagulat ako ng hawakan nya ako sa pisngi at masuring tinitigan bago iharap sa kanya. Nahigit ko ang hininga at kumalat sa aking mukha ang init sa aking pisngi. Pinakiramdaman ko ang tibok ng aking puso at sinalubong ang kanyang tingin.

"Maganda ka."

Napanganga ako habang ang kamay nito ay nasa mukha ko pa rin. Paniguradong nakakahiya ang reaksyon ko dahil mag kaharap kami ngayon. Suminghap ang ako at ilang beses na napakurap.

Ano ba ang ginagawa ng lalaking ito? Bakit ganoon na lamang ang epekto niya sa akin?

"B-bakit m-mo ko hinahawakan?" hindi ko naiwasang mag tanong ng makaramdam ng awkwardness sa pagitan naming dalawa.

Lumakas lalo ang kabog ng puso ko nang lumapit ang binata sa 'kin. I can clearly smell his minty breath dahil ilang dangkal na lang ang layo nito.

"Am I not allowed to touch my girlfriend?"

*

      NAWINDANG. Nawindang ang buong pagkatao at lamang lupa ko nang sabihin ng gwapong lalaki ang mga katagang iyon! Sino ba naman kasing tanga ang maniniwala? Naglasing lang ako tapos nagkajowa na agad? Paniguradong may lilipad na sapatos sa bahay ni Berta dahil confirmed ang theory nito!

Kanina pa ako nakatingin sa boyfriend kuno ko na nakatingin din sa akin.

'Gandang-ganda lang?'

Hindi ko pa rin matandaan  ang buong nangyari sa amin kagabi o kung may nangyari man, na sa palagay ko ay wala naman.

Parang boomerang ang boses na iyon ng sintu-sintong nasa harap ko. Bakit pumayag ito sa kalokohan ko kagabi?! Juskolord! Parang tutubuan ako ng uban ng maaga!

"Gi-girlfriend mo..." Itinuro ko siya gamit ang kanang daliri at itinuro naman iyon sa akin. "...ako?"

Tumango sya at ngumuso.

"Bakit parang hindi ako makapaniwala?" singga ko at napahilamos ng mukha. He just shrugged his shoulder and took his eyes away from me.

"Basta girlfriend kita," pinal na usal niya bago tumayo at ilahad sa akin ang kamay.

"Gusto mo ng ice cream?"

Wala sa sariling napatango ako bago hilahin nya ang kamay ko patungo sa kung saan.

*

"TEKA! A-ano ngang pangalan mo?" mahinang usal ko bago kami mag layo ng daan.

Nilibre nya muna ako ng ice cream kanina at nagkwentuhan ng ilang minuto bago samahan ako mamili ng grocery at pagkain para kay Bently.

Masaya syang kasama. Nakakatuwa ang pagiging palatanong nya sa mga bagay na hindi pa nya alam. Wirdo. Parang mas bata pa sa edad ang ugali nya ngunit ang dating nya ay parang kaya ka itapon nalang sa kama. Napangiti tuloy ako. Kaya naman pala nagka-boyfriend ako ng ganito kagabi! Ang dating ay ako ang mapusok sa aming dalawa.

Ngumuso ako sa naiisip. Dapat lang talaga na hindi na ako maglasing. Kung anu-ano ang ginagawa ko sa tuwing may alkohol ang utak.

Napatingin ako sa gawi nya na marahang humarap sa direksyon ko. Nilipad ng hangin ang ilang hibla ng buhok nya at ngumiti sa akin.

"Angel."

Napalunok ako. Kung pagmamasdan sya ay para nga syang anghel. Sinuklian ko ang ngiti nya bago kumaway.

"Mag-iingat ka… Angel."

*

   "MAMA NAMAN! Nag-usap na tayo tungkol dito 'di ba? Hindi po ako papayag!"

Inis kong binaba ang linya ng telepono. 

Nakakabastos 'yun, alam ko, pero nakakabastos din ang desisyon nila Mama. Bakit ganoon? Nasa lahi ba nilang mag kakapatid ang ganoong ugali? Una, Si Tito Rick, pinsan ni mama, lagi nalang nya kinokontrol ang buhay ni Rin. Para na ngang robot ang isang 'yun at nakakalaya lang pag nandito na sa Manila. Second, si Mama! Gustong-gusto nya i-revive ang hotel na ipinamana ni Lola sa kanya.

Maganda namang idea iyon kung tutuusin, pero sana naman, magdesisyon sila na i-revive 'yun sa sarili nilang pera kesa makipagkasundo sa hindi naman siguradong tao!

Kaya ko naman silang tulungan! I mean, may trabaho na ako! Kaunting sipag at tyaga lang ay matutulungan ko sila sa gastusin kung hihingi sila nang tulong pinansyal! Hindi ganitong tulong na kapalit ang kalayaan ko!

Nag-ring ulit ang cellphone kaya inis nya iyong pinindot at ini-loud speaker.

"Anak naman... Alam mo na gustong-gusto ko maipaayos ang hotel na iyon 'di ba? Iyon nalang din ang natirang alaala ni Mama sa akin. Please naman anak pumayag ka na." My mother's voice irritated me. Mabait naman si mama pag hindi inaabot ng ganito.

"Mama, kasalanan niyo kung bakit nalugi ang hotel ni Lola. Wala na akong konsiderasyon sa ganyang bagay kung ako naman ang siguradong mahihirapan," nakasimangot na sabi ko.

"Anak, mabait si Mr. Trinus. Naipagkasundo na namin kayo kapalit ang tulong niya maipaayos ang lugar na iyo—"

"ANO?!" Halos ibagsak ko ang pinggan na hawak ko ngayon sa sobrang pagkulo ng dugo.

"Naipagkasundo nyo na ako without asking kung papayag ako?! Mama naman! I'm old enough to handle myself! Bakit kailangan niyo ko pangunahan?!" sigaw ko. Gulat na inilapag ni Bently ang pagkain sa harap ko at nag-aalalang tumingin sa akin.

Suminghap ako para pigilan ang pagsabog sa sobrang inis. Naiiyak ako sa sobrang frustasyon!

"A-anak...para naman sa ikakabuti mo 'yun—"

"Para sa ikakabuti na ikasal sa hindi ko kilala?! Para sa ikakasaya nyo at ikakaayos ng hotel Mama! Hindi para sa akin! Kasi kung para sa akin talaga 'yan iisipin nyo muna ang nararamdaman ko bago kayo isang kurap na nagdesisyon," galit na sabi ko.

Natahimik ang kabilang linya. I didn't mean to shout at my mother pero sobra na kasi. Ngayon alam ko na ang nararamdaman ng pinsan ko. Tumulo ang luha sa mga mata ko at sinuklay ng daliri ang buhok.

"Umuwi ka na rito sa Central bukas-makalawa. Iyon ang araw na dadalaw si Mr. Trinus," malamig na ani nito bago ibaba ang linya.

Patakbo kong niyakap si Berta at umiyak nang umiyak.

"Mamsh shush na! Malay mo daks pala ang mapapangasawa mo," pang-aalo nya at hinagod ang likod ko.

Gusto ko mag lupasay sa sobrang inis.

"Bertaaaa! I-itakas mo nalang ako! Willing ako mag pakasal sa 'yo Bently Theodore! Iligtas mo ako dali na!" Halos masingahan ko na sya ng sipon dahil sa pag-iyak.

Nabalot ng pagkadisgusto ang mukha nito at itinulak ang mukha ko papalayo.

"Mahagas ka nga bakla! Nasisipunan mo na ang outfit ko! I-su-support nalang kita sa kasal mo! Sasama ako sa 'yo sa Sabado, malay mo pogi pala ang future fafabelz mo!" tili nya.

Napanguso ako bago umiyak ulit.

"Paano pag 4-M, Berta? Matandang Mayamang Madaling Ma-tsugi? Paano na ang kinabukasan ko?"

Tumawa lang ang bakla at tinalikuran ako.

"Mamatay ka pagkatapos ng honeymoon pag 4-M mamsh! Ang cause of death; Eating an expired hotdog!"

Naiinis ko syang binatikal ng tissue habang sya ay mamatay na kakatawa. Napasubsob ako sa lamesa at naiiyak na inilapag ang cellphone ko.

Kahit kailan napakalaswang bunganga nya. Kung brutal ang bunganga ni Rin sa kanya naman ay puro kabastusan! 

Sandali akong napatigil sa pag-e-emote ng may mag-doorbell. Agad naman iyong tinungo at binuksan ni Berta.

"Ate! Tumawag si Papa. Umuwi na daw muna tayo sa Central! Anong meron?" kunot noong tanong nya.

Ngumuso si Shane na nasa likuran at inilapag ang dalang sling bag sa couch.

"Daddy also wants me to come with you two, you know? It's not that I don't want to visit but I hate the idea of being there just for business and not for them." Umirap ito sa hangin at humalukipkip.

I sighed. 

Alam ko na may kanya-kanya kaming dahilan kaya ayaw namin bumalik doon at hindi ko sila masisisi.

"So anong plano natin? Mag le-leave muna ako kay boss, panigurado naman na papayag sya dahil kung hindi ay sasapakin ko sya," nakangising ani ni Rin.

Pinitik ito ni Shane sa pisngi.

"Napakabrutal mo talaga eh no? Simula nang mag trabaho ka ay lagi mo nalang kaaway ang boss mo," sikmat nito at iwinagayway ang sumbrero na suot ni Rin kanina.

"Sus! Alam nyo ba ang quote na 'The more you heyt da more yu luv?" singit ni bakla. Tinadyakan naman siya ni Rin kaya napalayo ito ng tatlong hakbang.

"Sus! Guilty ang ate nyo oh! In denial stage amfokfok!"

Napatawa ako sa pag-aasaran ng tatlo at ibinalik ang tingin sa telepono.

Bumuntong hininga ang dalawa nang mapansin ang pagbabago ko ng mood. 

"Tungkol na naman ba 'to doon sa hotel ni Lola?" mahinahong tanong ni Shane at tinitigan ako.

"Jusko bakla! Tumpak! Tumawag ang mudrabelz nya ng early tapos 'yun nga! Ipapa-marry sya sa hindi nya knows na fafabelz. Nag-a-alala ang loka baka daw expired na ang hakdog," tsismis ni Bently at may pag kumpas pa ng kamay.

 Sinamaan ko ito ng tingin kaya napatakip naman ito sa bibig. 

"Alam na alam Berta? Shota ka? Shota ka?" nagbibirong singhal ni Rin. Inungusan ito ng bakla at namewang.

"Kung alam mo lang bruha ka! Nag-propose 'yan sa 'kin kanina! Para namang ako ang pinakagwapo sa balat ng lupa! Bumaba tuloy ang look ko sa pagkatao ko!"

Tumawa ang dalawa kaya natawa na rin ako. 

"So... 6 am sa Biyernes? Gamitin nalang natin si Poochi," ani ko at tinaas-taas ang kilay. 

Ngumuso si Bently Theodore at nagpapadyak. 

"Kasama yan? Baka ubusin lang nya ang saging na tanim namin eh." 

Hinampas ng binata ang balikat ni Rin at matalim itong tinitigan.

"Ano ang tingin mo sa'kin? Unggoy? Dyosa ako mamsh at ang hanap ko ay daks na saging!"

Napaubo si Shenna at naibuga ang tubig na iniinom.

"Gross! Fvck you, Bently!"

Kumendeng ang binata na ikinatawa ko.

"Hindi ako napatol sa flat mamsh! At kahit maging boylet ako mas pipiliin kong magbigti kaysa pagnasaan ka!"

Tinakpan ko ang tainga ni Rin at sinipa ang malantod na bakla.

"Bwiset ka Theodore!" inis na ani ni Shenna at hinabol nang sabunot ang kasama. 

Humagalpak ako ng tawa sa kaharutan ng mga ito. Kahit papaano ay gumaan ang pakiramdam ko dahil sa kakulitan nila. Ngunit hindi ko naiwasang mangamba dahil sa sinabi ni mama. 

Ikakasal na ako. Ikakasal sa taong hindi ko kilala at hindi ko gusto.