Chapter 9: Pity/Party

“Naku, tito, ako na po d’yan!” narinig kong malakas at gulat na sabi ni Mai mula sa kusina kaya kahit inaantok pa ay mabilis akong nagpunta roon para tingnan kung ano ang nangyayari. “Magpahinga na lang kayo sa kwarto n’yo, tito.”

“Nahihiya na kasi ako sa iyo, Mai.” Natigilan ako nang marinig kong sinabi iyon ni papa. Hindi ako pumasok sa kusina at nanatili na lang na nakasandal sa pader. “Mag-iisang linggo na mula nang patuluyin mo kami rito, pero hanggang ngayon ay wala pa ring trabaho si Cha. Kung totoo na pina-blocklist siya ni Ien, baka maging malabo pa na magkaroon siya nu’n.”

Natahimik si Mai. Sa totoo lang, iyon din ang inaalala ko. Paubos na ang sampung libong compensation sa amin dahil sa pagkaka-demolish ng bahay namin. Buti na nga lang ay nahukay ko pa iyong box ko ng gamit kaya naisalba ko ang natira sa separation pay ko.

“Nahihiya ako dahil wala man lang akong magawa para sa inyo ni Charity,” sabi na naman ni papa. “Ako na ang bahala sa pagluluto at paglilinis mula