Chapter 5

Malakas na ring ang gumising kay Nicole. Nakapikit pa niyang inabot ang walang planong tumigil sa pagtunog na alarm- clock na nakapatong sa kaniyang drawer na nasa tabi ng kaniyang kama. Nakapikit pa niyang inabot ito at pinatay. Napakaaga naman yata ng alarm niya masyado dahil inaantok pa siya.

Pagkapatay nga niya ng alarm clock ay nagtalukbong siya ng kumot. Inaantok pa siya. Puyat pa siya kagabi dahil halos ala- una ng madaling araw ng umalis si Steffano sa condo niya. Masyado siya nitong sinulit na akala mo hindi sila magkikita ng matagal.

—------

Isang ring na naman ang nagpagising kay Nicole, sa punto namang iyon ay hindi na tunog ng alarm clock kundi tunog na ng kaniyang cellphone. Ring ng ring ito at tila ba wala itong balak tumigil. Napilitan tuloy siyang bumangon upang hanapin ang kaniyang cellphone na hindi niya alam kung saan niya nga ba nailagay kagabi.

Isa pa ay sino ba iyong tawag ng tawag sa kaniya na umagang- umaga. Halos katutunog lang ng alarma clock niya at nga