Chapter Sixteen

Masakit na katawan ang nararamdaman ko bago ko dahan-dahang iminulat ang aking mga mata. Bumungad sa 'kin ang amoy ng hospital at ang maliwanag nitong ilaw. Sa pagdilat ng aking mga mata ay agad na may lumapit sa 'kin.

“Hey! May masakit ba?” Nag-aalalang ang tinig nito.

Dahan-dahan ko itong tinignan upang malaman kung sino. Nagbabakasakali na si Steve ang aking unang makikita. Pero . . .

“A-Asher . . .” tawag ko sa lalaking kasama ko ngayon sa kuwarto.

“May masakit ba sa 'yo? Gusto mo ba tawagan ko ang doctor? Wait lang—”

“H'wag na . . .” putol ko sa kaniyang sinasabi dahil mukha itong natataranta. “Okay na ako, medyo masakit lang ang katawan ko.” Nanghihina kong saad sa kausap.

Tinitigan ako nito ng ilang segundo, ito na naman ang hindi ko mabasang ekspresyon ng kaniyang mukha.

“Gusto mo bang itawag ko 'to sa parents mo? O sa kaibigan mo?”

“No! H'wag . . .” mabilis kong sagot.

“Why?”

“Ayoko silang maabala, ayoko silang mag-alala . . .” kahit na kaibigan ko lang ata ang tot