Chapter 21

Maagang umalis si Terrence ng Mansyon para makipag kita sa isa sa kamag anakan nila. Gusto niyang malaman kong sino ang abugado ng Mommy Helen niya at may gusto rin siyang malaman bukod sa pag ampon nito kay Celestina.

Habang nagda drive siya naalala niya na naman ang nangyari sa kan'ya pitong taon na ang nakakalipas. Ang babaeng nagpabaliw sa kan'ya at hindi niya man lang ito naabutan kinabukasan, dahil nilayasan lang naman siya ng babae sa loob ng kotse niya at pahiyang pahiya siya sa nangyari. Hinding hindi niya malilimutan ang mukha ng babae at sa oras na magkita silang muli marami siyang gustong itanong dito. Isa na dito kong bakit siya nito basta na lang nilayasan habang natutulog siya.

Nang makarating siya sa bahay ng Auntie Marivelle niya na taga Pangasinan naghanap muna siya ng mapaparking-an, dahil hindi naman mayaman ang Auntie niya at ayon sa Mommy niya sumuway daw kasi ito sa abuelo niya na at nahulog sa kanilang driver at nagtanan, kaya hanggang pumanaw ang kan'yang ab