ANG malalakas na busina ang nagpamulat sa aking mga mata kinabukasan. Pagtingin ko sa digital clock na nakapatong sa may bedside table ay mag-a-alas-otso na pala ng umaga. Bumangon ako at nagderetso muna sa may veranda.
Isang itim na kotse ang nakita kong papasok pa lang ng gate. 'Ngayon lang siya umuwi?' aniko sa isip. Nakaya niya ang magdamag na duty kahit walang sapat na tulog kahapon? I pinched myself. Wala nga pala kaming pakialamanan.Matapos mag-inat-inat ay pumasok na akong muli sa kuwarto ko at hinagilap ang aking cellphone. Nag-good morning message ako kay Dino. Kagabi ay nagkausap na kami at wala akong pinalampas na detalye sa kaniya. Even my husband and I's rules and agreement. Kaya naman medyo gumaan na ang pakiramdam ko. He even promised na susundan niya ako rito sa Maynila. Bagay na pinakahihintay ko.'Tutal wala namang sinabi si Jass na bawal akong makipagkita sa boyfriend ko. Ang bawal lang ay ang dalhin siya rito sa pamamahay niya.' I took a sigh of relief.Matapos maghilamos at toothbrush ay lumabas na ako ng kuwarto ko. Gutom na ako. I need at least a cup of coffee. Ngunit saktong pagdating ko sa tapat ng hagdan ay siya namang simula ng pag-akyat ni Jass. For a moment, I suddenly paused at pinagmasdan ang kaniyang pagpanaog. Gusot-gusot at wala sa ayos ang suot niyang with collar shirt, magulo at sala-salabat din ang kaniyang buhok. Sa ganoong ayos, he must be tacky. Dahil bukod doon ay nakabusangot din ito. Pero bakit para sa mga mata ko, parang nakadagdag pa iyon sa kaguwapuhan niya at sa kamisteryosohan ng kaniyang dating?I pinched myself again. Ano ba itong tumatakbo sa isip ko?"Oops! S-Sorry!" bigla kong nasabi nang muntik na akong ma-out of balance. He almost hit me. Buti na lang mahigpit akong nakakapit sa hawakan ng hagdan. Kung bakit kasi hindi ako umalis o gumalaw man lang sa kinatatayuan ko?Ngunit ni hindi man lang niya ako tinapunan ng tingin, sa halip ay nagdere-deretso lang sa paglalakad patungong kuwarto as if I didn't exist.Bahagyang umawang ang aking mga labi dahil parang gusto kong magkomento sa inasal niya. Pero inawat ko na lang ang sarili ko dahil baka lalo lang akong mapahiya. Oo nga pala, I almost forgot again. Wala nga palang pakialamanan.Nakapagluto na at nakapaghain si Mina pagdating ko sa kusina. May pritong itlog, hotdog, bacon at tusino. Lalo akong natakam. Kasalukuyan itong naghuhugas ng pinaglutuang kawali."Good morning, Ma'am!" bati nito sa akin nang makita ako."Good morning din!" tugon ko. Dumeretso ako sa kitchen counter at kumuha ng tasa."Ako na ang magtitimpla, Ma'am. Magkakape kayo?"Umiling-iling ako. "Ako na, Mina. Tapusin mo na lang 'yang ginagawa mo." Binuksan ko ang cabinet sa taas para hindi lang maghanap ng instant coffee kundi para tuklasin na rin ang mga laman niyon."Wala riyan, Ma'am. Sa kabila po," ani Mina na pinagmamasdan pala ako."Ah okay."Natutuwa ako dahil sa edad niyang iyon ay napakaimis niyang babae. Nakikita ko rin na may busilak siyang puso kaya mabilis gumaan ang loob ko sa kaniya."Wala ka bang pasok ngayon?" tanong ko habang ginugupit ang kalahati ng twin pack."Meron, Ma'am, pero mamayang ala-una pa.""Ahh... Good luck sa studies mo. Ano palang course ang kinukuha mo?""BSE po, Ma'am, major in English.""Ahh... So, magti-teacher ka pala.""Opo, Ma'am. Pangarap ko po talaga-""Mina, have you seen my Chamomile Tea-""Ay!" biglang tili ko. Sa gulat ko ay napaigtad pa ako at nabitawan ang gunting na hawak ko. Bukod kasi sa malaking boses na biglang sumingit ay may kung ano pang bumangga sa aking pang-upo. Lalo pa akong nataranta nang makarinig ng tunog ng isang nabasag. Ganoon na lang ang panlalaki ng mga mata ko nang makitang nagkalat ang bubog ng tasa na hawak ko lang kanina."What the..? Seriously?" galit na singhal ni Jass na nasa likuran ko lang. Isa pa iyong nagpadagdag ng tensyon ko. Kung bakit kasi bigla-bigla na lang dumarating nang walang paramdam? At parang kanina lang ay nakita ko siyang pumasok sa kuwarto niya? Bakit ambilis niya naman yatang nakasunod agad dito sa kitchen?"S-Sorry... Ano kasi.." Taranta na ako. Hindi ko naman maisatinig ang gusto kong sabihin. Parang nakakatakot na magmatapang sa harap niya."Mina, 'di ba sinabi ko na sa 'yong ikaw ang mag-aasikaso rito? Ayan, nabasagan na naman tayo ng gamit!""S-Sorry po, Sir, kasi-""O, at ano na naman iyang ginagawa mo? Inuulit mo na naman ang ginawa mo kagabi!"Nataranta na naman ako. Gusto ko lang namang magboluntaryong imisin ang kinalat ko pero binalingan niya na naman ako."Ridiculous!"At nanlaki ulit ang mga mata ko nang makitang nasugatan ako ulit. Pero agad ko iyong itinago sa ilalim ng blusa kong suot."H-Huwag kang mag-alala. Natuto na ako kagabi. I didn't bleed myself again..." Hindi ko alam kung bakit bigla ko iyong sinabi but I couldn't take it back anyway. Sinundan ko ang direksyong pinupunto ng kaniyang mga mata. Nakatingin siya sa laylayan ng suot ko kung saan ko itinago kanina ang daliring may dugo."Didn't bleed, huh?" he mocked. Pairap niyang binawi ang mga mata sa akin pagkuwan. "Mina, mamaya nga bumili ka ng mga plato at basong gawa sa plastik. Mauubos talaga ang mga gamit ko rito. Buti ba kung mumurahin lang ang mga iyan eh. At buti ba kung mapapalitan!" He looked at me again. "Dalhan mo nga ako ng Chamomile Tea sa kuwarto."NANG mawala sa paningin namin si Jass ay nagkatinginan kami ni Mina. S********p ko pa noon ang daliri kong dumugo kanina."Sino raw ang magdadala niyan sa kuwarto niya?" tukoy ko sa tsaang tinimpla niya."K-Kayo raw, Ma'am. 'Di ba kayo ang kausap?"Mabilis akong umiling. "Aba, hindi ah! 'Di ba nga hinahanap niya iyan sa 'yo? Eh 'di ibig sabihin ikaw ang inuutusan niya."Umiling rin ito. "Eh, sa inyo naman, Ma'am, huling tumingin si Sir."I shrugged my shoulders. "H-Hindi ko alam. Hindi ko napansin." Umiwas ako ng tingin at pilit inalala ang huling tagpo. Tama si Mina, sa akin ito huling nakatingin. Pero ayokong ako ang magdala ng kaniyang tsaa. Ayoko nang humawak ng mga babasaging gamit sa harap niya dahil baka mabasag ko na naman. Presensya niya pa lang kasi nakakapanginig na."Sige na, Ma'am, kayo na po. Tutal ikaw naman ang asawa niya," pakiusap pa ni Mina."A-Asawa nga, pero sa papel lang naman. Hindi ba nga sabi niya kahapon, ordinary border lang ako rito 'pag wala ang mga biyenan ko. So it's your duty. Y-You're the maid." Ayaw ko sanang sabihin 'yon dahil parang minamaliit ko siya."S-Sige na nga po, Ma'am. Alam n'yo kasi kapag umiinom ng Chamomile Tea si Sir Jass, isa lang ang ibig sabihin no'n. Depressed siya o hirap makatulog. I thought you could be his comfort. Pero sige po, ako na lang."Akma nang dadalhin ni Mina ang tasang may lamang tsaa nang biglang magbago ang isip ko."Para namang kinokonsensya mo ako niyan. Sige na nga ako na!" sabi ko kahit wala sa ayos ang takbo ng isip ko. I don't think she's lying tungkol sa sinabi niya. At ewan ko ba kung bakit parang na-curious ako.'Dahan-dahan lang, Jennifer,' sinasabi ko sa sarili ko habang naglalakad. Mabagal ang bawat hakbang ko lalo na nang nasa may hagdan na ako.Habang palapit sa pinto ng kuwarto ni Jass ay palakas nang palakas ang kabog sa dibdib ko. Parang bigla akong nagsisi na nagboluntaryo akong maghatid niyon. Baka isipin nito ay nakikipaglapit o nagpapansin ako. Of course, it's a big NO.Nasa tapat na ako ng pinto. Huminga pa ako nang malalim bago kumatok. Tatlong beses. Naghintay ako kung sasagot ba siya o kusa niya akong pagbubuksan pero walang response mula sa loob. Kaya ako na ang nagkusang pihitin ang seradura.Tagumpay akong nabuksan iyon. Una kong isinilip ang ulo para hanapin kung nasaang parte siya ng kuwarto.Ambango ng kuwarto niya, amoy house perfume. Ang linis din at organized ang mga gamit. Wala siya sa kama. Wala rin sa tabi ng kabinet. Pumasok na lang ako dahil ang balak ko'y ilapag na lang sana iyon sa bedside table niya. Ngunit nakakailang hakbang pa lang ako nang biglang bumukas ang pinto ng banyo. Nagitla ako lalo na nang tumambad sa akin ang ayos niya. He wasn't wearing anything except sa nakatapis na tuwalya sa pang-ibaba.Napalunok ako at the same time natuliro na naman. I could see his V-line, his abs at ang medyo mabuhok niyang dibdib.May kakaiba akong naramdaman sa katawan ko na hindi ko maintindihan. Parang nanlalamig ako at hindi ako makagalaw."Ilapag mo na 'yan at umalis ka na," galit na saad niya nang sandaling na-paused ako.Saka lang ako natauhan. Nanginginig ngang akma ko nang ibababa ang tasang may tsaa sa bedside table nang sa 'di inaasahang pagkakataon ay dumulas iyon mula sa aking daliri. Sinubukan ko pang isalba iyon para hindi matapon o bumagsak pero napaso ako kaya wala rin akong nagawa kung hindi mag-let go.I was breathing audibly habang pinagmamasdan ang sinapit ng tasa at platito. Kasama pa ang laman niyon na medyo nagpabaha sa sahig.I looked at him. Hindi maipinta sa galit ang kaniyang mukha. May mga sinasabi siya na hindi ko na naintindi dahil sa sobrang takot at kaba. Sandaling nalito na naman ako sa gagawin. Lumuhod ako para likumin ang mga bubog."Get out of my room, you stupid woman!""SALAMAT, Mina." Nakangiti kong kinuha ang brown envelop na inabot ng katulong. Nagpasuyo kasi akong magpa-print at photocopy sa kaniya ng mga documents ko."Mag-aaplay kayo ng trabaho, Ma'am?" curious na tanong nito."Oo eh. Nakakainip kasi rito, wala man lang akong mapagkaabalahan."Halos isang linggo na rin mula nang manirahan ako roon. Wala naman akong problema maliban sa tigre kong asawa pero nagagawan ko naman na iyon ng paraan. Itinataon ko na lang lagi na wala ito kapag bababa ako sa kusina o sa sala para hindi ako makaramdam ng tensyon. Wala naman akong ginagawa maliban sa pagkain at panonood ng tv. Minsan nagkukuwentuhan kami ni Mina. Pero 'pag alam kong paparating na si Jass ay umaakyat na ako sa taas. Akala ko talaga, may kalalagyan na ako nang aksidente kong matapon ang tsaa sa kuwarto niya.Dahil bagong salta ako sa lugar na iyon ay hindi pa ako pamilyar kung ano'ng trabaho ang puwede kong mahanap doon. Minsan sumabay ako kay Mina nang pumasok na ito sa school. May nakit
KINABUKASAN ay medyo tinanghali ako ng gising. Almost eight na nang bumaba ako ng kuwarto. Nakaligo na naman ako no'n at handa nang umalis. Dumeretso muna ako sa kusina para kumain. Tuesday ngayon at kapag ganitong araw ay maaga ang pasok ni Mina sa school. Ngunit bago umalis ay nakapagluto na naman ito at nakatakip na iyon sa mesa. I started eating. Mula no'ng araw na iutos ni Jass na bumili si Mina ng mga platong plastik ay iyon na nga ang ginagamit ko kapag kakain. Pero sa kape ay naka-mug pa rin ako. I just always make sure na hindi ko na malapit sa edges iyon inilalagay para iwas disgrasya. Natigilan ako sa pagsubo nang marinig ko ang mga busina sa labas. Huminga ako nang malalim. Nandito na siya. Bakit ba ganito na naman ang kaba ko? Binilisan ko na ang pagkain. Ngunit natigilan akong muli nang makarinig naman ng sunud-sunod na katok mula sa pinto. Nakagat ko pa ang pang-ibabang labi. 'Naku naman itong si Mina...' nasabi ko pa sa isip. Bakit ba kasi kailangan pang i-lock ang
"JEN..." Nagulat ako nang may pumisil sa aking balikat. Paglingon ko ay nakita ko si Dino na naka-formal attire at fresh na fresh ang hitsura."O, akala ko nasa bahay ka," nagtatakang sabi ko habang sinisipat ito ng tingin."Pasensya ka na, hindi ko nasabi. Kahapon kasi ginawan ako ng resumè ng pinsan ko tapos ipinasa niya sa manager nila. Tinawagan ako kaninang umaga para sa initial interview. May dala na nga akong requirements eh, para kung sakaling makapasa, maipasa ko agad," masayang balita nito.Nagalak din ako sa sinabi niya."Buti naman. Sana matanggap ka, Dino.""O, bakit parang late ka na?" Idinaan ko na lang sa ngiti. "Oo nga eh. Tinanghali kasi ako ng gising." Sa sobrang pagmamadali ko kanina ay nalimutan ko na siyang i-chat. Mas binilisan ko pa ang paglalakad. Nasa second floor ang store na pinagtatrabahuhan ko kaya sasakay pa ako ng escalator. "Saan ba 'yang trabahong inaplayan mo?" tanong ko habang naghihintay kami sa pag-akyat."Sa may fast food. Malapit lang sa appli
"KUMUSTA na kayo diyan, iha?" Ang malambing na boses ni Doktora ang bumungad sa akin pag-angat ko ng telepono. Kanina pa kasi iyon ring nang ring. Walang ibang sumasagot dahil wala si Mina at nasa school. Si Jass naman ay parang walang naririnig. Nakaupo at prente lang na nagbabasa ng magazine sa sala. Samantalang ako, pababa pa lang ng hagdan para sana kumain. Day-off ko nang araw na iyon. It's been a month mula nang manirahan ako sa bahay na iyon. Para sa akin, malaking achievement na naka-survive ako ng ganoon katagal. Hindi natuloy ang aking 'nervous breakdown'."A-Ayos naman po," nangingimi pang tugon ko."Buti naman. Ano, iha? Dinatnan ka na ba? Hindi ka ba delayed? 'Pag delayed ka, ha, papa-check up ka kaagad." May halong excitement sa boses nito.Napakunot-noo naman ako. "B-Bakit naman po ako made-delayed? Regular naman po ang menstruation period ko," sabi ko naman. Narinig kong bumuntong-hininga ang matanda. "Nevermind, iha. Pero sana naman hindi matapos ang taong ito na wa
"CONGRATULATIONS, guys! Nakalagpas tayo sa kota," masayang anunsyo ng manager ng appliance store na pinagtatrabahuhan ko. Nagdiriwang lahat dahil tiyak na may bonus na matatanggap sa aming sahod. So far, nae-enjoy ko ang pagtatrabaho rito. Bukod sa magaan naman ang trabaho ay palagi pa kaming nagkikita ni Dino. Kung minsan nagkakasabay pa kami ng breaktime. He's doing great in his job as well. Kapag araw ng sahod ay namamasyal kami. Magkasamang namimili sa mall ng mga kaniya-kaniyang personal na pangangailangan. Kumakain sa medyo sosyal na restaurant. At kung minsan, binibilhan niya ako ng regalo. Nabilhan na niya ako ng isang pares ng sapatos na libo ang halaga. Hindi ko na siya napigilan dahil siya ang kusang bumili. Alam niya kasi ang size ng aking paa.Pambawi niya raw iyon sa lahat ng mga naitulong ko sa kaniyang noong walang-wala siya. Hindi naman ako nanghihingi ng kapalit, ang mahalaga ay batid kong mahal namin ang isa't isa. At ngayon nga, we're celebrating our 23rd month a
Mag-uumaga na. Ngunit pabiling-biling pa rin ako sa higaan. Nakatulog naman ako kagabi pero maaga naman nagising. Mga alas-tres. Paulit-ulit na sumasagi sa isip ko ang nangyari sa sinehan at ang mga napag-usapan namin ni Dino. Hindi ko alam kung bakit parang natatakot na akong makipagkita sa kaniya bukas. Parang nahihiya ako para sa sarili ko.Tama ba na pumayag ako? P-Paano kung magbunga iyon? Paano ko iyon sasabihin kay Tatay? Hay... Ayoko sanang mag-overthink pero parang ganoon na nga ang nangyayari. Ito kasing si Jass, isang buwan na kami mahigit na kasal pero hanggang ngayon wala naman siyang ginagawang aksyon para magkahiwalay na kami. Puro iwasan at sungitan lang ang ginagawa namin. Naalala ko tuloy iyong babaeng tumawag. Tiyak akong kakilala niya iyon at may ugnayan sila sa isa't isa, sana naman ipaglaban niya kung ano mang mayroon sila sa mga magulang niya para mawalan na ng rason para magpatuloy pa ang kasal-kasalang ito. Para wala nang hadlang sa amin ni Dino. Makakapamu
"KUMUSTA na, 'nak?" Si tatay sa kabilang linya. Kauuwi ko lang no'n galing trabaho. Ako ang tumawag para mangamusta. Kahit masama pa rin ang loob ko dahil sa ginawa niya ay hindi ko pa rin siya matiis."Okay naman, 'Tay. Na-cash out n'yo na ba 'yong pinadala ko?" Kapag araw ng sahod ay nagpapadala pa rin ako. Walang nagbago tulad ng kung paano ko siya aabutan ng pam-budget sa bahay noong doon pa ako sa amin nakatira."Oo 'nak, salamat. Pero hindi na naman ako nanghihingi sa 'yo. Dapat nga, hindi ka na rin diyan nagtrabaho. Kaya naman lahat ng asawa mo ang gastusin-""'Tay, ayoko pong umasa ro'n. Tsaka naiinip ako rito. Ang lungkot ko na nga, tapos magpapakaburyong pa ako kakatambay rito. Ayokong tumanda nang maaga, 'Tay." Narinig ko ang pagbuntong-hininga niya. "Pasensya na talaga, 'nak. Pero hindi ko ginawa 'yan dahil tutol ako sa relasyon n'yo ni Dino. Iniisip ko lang talaga ang kinabukasan mo, anak."Huminga na lang din ako ng malalim. "Para saan pa ang pagtatapos ko ng pag-aaral
ALAM kong nakaidlip na ako no'n nang may maramdamang kamay na dumantay sa aking noo. Napalunok ako dahil sa bigla at napamulat ng mata. Ngunit hindi ako agad nakakilos dahil tumagal ang kamay na iyon nang ilang segundo sa may noo ko. Parang sinasalat maigi kung mainit ba iyon.Then I heard an audible gasp. May nasamyo pa nga akong hangin. I liked the scent. Minty na may nasama pang men's perfume. 'Men's perfume?'"Wala naman eh. Si Mina talaga."Lalo akong hindi nakakilos. S-Si Jass ba 'yon? Hindi ako maaaring magkamali. Kilala ko ang boses niya. Why? Sinabi talaga ni Mina na masama ang pakiramdam ko?Concerned ba siya sa akin? What for? Dahil natatakot siyang malaman ni Tatay kapag nagkasakit ako?But there's a part of me na bigla namang natuwa dahil sa kaniyang ginawa. 'No, Jennifer!'Ngunit bago pa ako nakakilos para sundan sana siya ng tingin ay nakalabas na si Jass. Marahan niyang binuksan at isinara ang pinto.Nasapo ko ang noong hinawakan niya. Kay init ng palad niya. Parang