Chapter 75

JEN

"ANAK, kumusta ka naman diyan?" may pag-aalalang tanong ni Tatay sa kabilang linya.

"Ayos naman ako rito, 'Tay. Nakapagsimula na ako ng trabaho ko," tugon ko.

"Buti naman. Eh 'yong tinutuluyan mo? Komportable ka ba riyan? Baka maraming adik diyan ah. Sabi ko naman sa 'yo, isama mo muna ang mga kapatid mo habang bakasyon pa sila para may kasa-kasama at kausap ka riyan. Hindi 'yong nagsosolo ka."

Umiling ako. "Okay naman dito, Tay. Tahimik naman saka mabait naman 'yong nakatira sa katabi kong apartment. Ayoko po muna ng kasama dahil gusto ko muna pong mag-isa. Gusto ko rin pong matutong tumayo sa sarili kong mga paa."

"Pero, 'nak, huwag mong ipilit kung hindi mo kaya. Makakalapit ka naman sa amin."

"Kaya ko, 'Tay. Magtiwala kayo sa akin."

"O, siya sige. Sabi mo eh. Basta palagi kang mag-iingat diyan."

Tumango ako. "Opo. Kayo rin po."

Nagpaalam na ako. Sakto niyon ay natapos na ang breaktime ko kaya balik trabaho na ulit ako.

Dito ako ngayon sa isang malaking construction firm sa