Chapter 31 - Giving a chance

Abala sa pagpapatugtog ng piano si Snow habang sinasabayan ng kanta noong dumating si Demetri. Hindi n'ya namalayan ang pagdating ng kan'yang asawa kaya seryoso lamang s'ya sa pagtugtog habang kumakanta.

Tila natulala naman si Demetri. Ngayon n'ya lang kasi narinig na kumanta ito. Humahagod ang mahinhinang boses nito sa kan'yang puso. Napahawak s'ya sa kan'yang dibdib habang nakaawang ang bibig na nakatitig sa kan'yang asawa.

Biglang napawi ang kan'yang pagod habang pinagmamasdan ito.

Tinapos ni Snow ang buong kanta at nagitla s'ya noong mapansin n'yang may tao pala sa likuran n'ya. Kaagad napadako ang kan'yang mga mata sa bitbit na bouquet ni Demetri.

Hindi n'ya alam kung anong mararamdaman ng puso n'ya.

Bakit ito may dalang bulaklak? Bigla n'ya kasing naalala ang sinabi ni Demetria na wala pa itong inalayang bulaklak maliban sa pag-aalay nito ng bulaklak sa tuwing dadalaw sa puntod ng namayapang ina.

Humakbang ito palapit sa kan'ya.

" Oh, bulaklak " matigas na saad nito bago nag-iw