Chapter 10

DIRE diretsong pumasok si Clarisse sa kanilang bahay pagkababang pagkababa ng sasakyan. Nagpupuyos siya sa galit dahil sa nangyari at namamanaag iyon sa kaniyang mukha at mga nanginginig na mga kamay.

Napahiya siya at dahil iyon kay Eleanor. Gustong gusto niyang pisikal na saktan ito kanina upang gantihan dahil sa mga sinabi nito sa kaniya. Ngunit dahil naroon ang press at ang mga socialite na mga bisita, hindi niya nagawa.

Hindi niya matandaan kung kailan siya nasagot ng ganoon ni Eleanor. Ang tanging alaala niya sa babae ay ang mga pag iyak nito at ang pagiging tanga nito para sa dating asawa. Kaya naman kahit ayaw mang aminin ni Clarisse, totoong nagulat siya sa naging pagbabago ng babae lalo na sa paraan nito nang pagsasalita.

Tumigil siya sa may salas at muling humarap sa asawa na papalapit naman habang nag aalis ng suot na neck tie. Gaya niya ay halatang nawala na rin sa mood si Herbert. Nasira na rin ang gabi nito. Ngunit walang pakealam si Clarisse dito at sa kung anumang mar