Chapter 16

BAHAGYANG natawa si Noah ngunit halatang asar ito sa narinig. “What did you just say? Naririnig mo ba ang sarili mo, Jimenez? Kinukumbulsyon ka ba? O baka naman nananaginip ka pa?"

Umigting ang panga ni Herbert dito. "I'm just saying the truth, Madrigal." bago ibinalik ang mata kay Caroline. "Mashigit ko siyang kilala kaysa sayo."

Segundo ang naging tinginan nila ni Caroline. Nagulat na lamang siya nang haklitin ng babae ang kamay nito. Naiwan sa ere ang kamay niya.

“You're so full of yourself, Herbert. Matapos ang mga pagtataksil mo ay iniisip mo parin talagang mananatili ang pagmamahal ko sayo? Ang kapal din naman ng mukha mo.”

Agad na nakaramdam ng panliliit si Herbert sa narinig mula dito.

Ang totoo ay hindi niya balak sabihin ang mga salitang iyon. Nadala lamang siya ng emosyon. Huli niya na nang ma-realize na mali ang sinabi niya. Na masyado iyong kapahangasan sa katulad niyang nagloko noon.

“At bakit ganiyan ka kung magsalita ngayon? Hindi ba may asawa kana?” dugtong ni Caroline