Chapter 7

"P'wes,paliwanag mo sa 'kin kung bakit siya nagkagano'n!"sigaw niya ang namuno sa buong lugar at napansin ko na sa 'kin lahat nakatuon ang atensyon nila.

Sa muling pagkakataon, nasasaktan na naman ako dahil sa ikinikilos niya.

"H-hindi ko p-po alam.W-wala po akong nilagay na peanuts do'n,"nanginginig kong depensa sa sarili ko.

"Master, p'wede po bang ipaubaya niyo na sa 'kin 'to? Ako na pong bahala rito,"sabat ni Tita at hinarangan ako kay Ramier.

Kumuyom ang mga kamao ni Ramier habang matalim ang mga matang nakatingin sa 'kin.

Ilang sandali lang ay tumalikod na siya at pumasok sa loob ng k'warto ni Ysharra.Nag-aalala ang ekspresyon ng mukha ni sir Viguel nang lumapit siya sa 'kin.

"I'm sorry,Ysharra.Nabigla lang kasi talaga si kuya sa nangyari.Kami-kami na lang ang magkakasama kaya mas lalong naging over protective si kuya.H'wag kang mag-alala,naniniwala ako sa 'yo.Wala kang kasalanan,okay?"Inangat niya ang mukha ko mula sa pagkakayuko kaya nakita niya ang luhang pumapatak sa aking m