Chapter 6

Kahit papaano ay nasiyahan naman ako dahil sa paghingi ng tawad ni Ramier nung isang araw.Pero matapos no'n ay bumalik na naman siya sa dati.

Minsan seryoso at minsan masungit.Hinahayaan ko na lang dahil unti-unti na 'kong nasasanay.

Nagwawalis ako sa loob ng k'warto ni Venice.Naglalaro siya ngayon at katatapos lang ng klase niya.

Paglabas ko ng pintuan ay nakasalubong ko si sir Viguel na suot ang uniporme nitong pang-aral.

May kausap ito sa phone kaya nung nakita niya ako ay nginitian niya lang ako at nilagpasan.

Sinalubong siya ni Zwei na dala-dala ang bag nito.Malapit lang ako sa kanila kaya rinig ko ang usapan ng dalawa.

"Inayos ko na po ang loob n'yan,pati po 'yun ID niyo nand'yan na rin."Hinawi pa ni Zwei ang buhok niya at hiyang-hiya habang nakatingin kay sir Viguel.

"Salamat,Zwei."Tinanggap ni sir ang bag na ngingiti-ngiti.

"Ang gulo ng kwelyo niyo sir.Ayusin natin."Lumapit pa siya kay sir at inayos ang kwelyo nito.

Hinayaan lang siya ni sir na gawin 'yon at nung naayos niya n