Chapter 8

Pilit kong kinakalimutan ang nangyari nung gabing 'yon pero may mga pagkakataon na naiisip ko pa rin.

Bakit ako nasasaktan?

Hindi ba't ginawa ko rin naman sa kanya 'yon? Wala naman kaming pinagkaiba.

Pero ang iniisip ko ay naramdaman niya ba ang kung anong naramdaman ko nung nakita ko silang nasa gano'ng sitwasyon?

Hayyst! Erase! Erase!

Iisipin ko na lang na isa lang 'yong masamang panaginip.Hindi naman ako dapat magpa-apekto dahil sino ba naman ako 'di ba?

Yaya lang naman ako ng kapatid niya.

Pagkatapos din nung nangyari sa pagitan namin ni sir Viguel ay biglang nag-iba ang pakikitungo ni Zwei sa 'kin.

Kinakausap niya na lang ako kung kinakailangan.Nilinaw ko naman sa kanya ang lahat nung gabing 'yon kahit na balisa at wala pa rin ako sa sarili dahil sa nakita.

Sumang-ayon naman siya sa 'kin at ang akala ko ay ayos na ang lahat pero parang hindi naman.

"Zwei..."tawag ko sa kanya habang naghuhugas siya ng pinggan.

Gabi na at day-off ko na bukas kaya makakapagtrabaho na 'ko ulit sa clu