Chapter 24

"Ano ba Seo ang bagal bagal mong kumilos." Suway ni Nhel kay Seo. Papasok kami sa isang restaurant. Mukhang mamahalin nga. Anong nakain ni Nhel at dito niya kami dinala? para naman siyang bigatin na tita. "Bakit ba kasi dito? may pambayad ka?" tanong ni Seo. Tumaas naman ang kilay ni Nhel.

"Anong akala mo saakin ha, pipityugin?" natawa ako sa naging asaran nilang dalawa. Namiss ko to. Sobrang namiss ko kung paano sila magbangayan noon. Pero siyempre hindi ganito ang bangayan nila noon. Medyo flirty noon si Seo e, ewan ko nga kung anong nangyayari sakaniya ngayon.

"Malay ko ba kung sa illegal galing yan na pera mo at madamay pa kami ni D." ganti ni Seo. Halos umusok ang ilong ni Nhel dahil sa sinabi nito.

"Tumagil na nga kayong dalawa diyan." suway ko bago naunang pumasok sa entrance ng restaurant. Bahala silang magtalo doon. Gutom ako e. Wala na akong pakialam kung sobrang mahal ng mga pagkain dito. Talagang hindi ko na kaya pang tiisin ang gutom. Simula pagkapasok ko sa trabaho ay ka