Chapter Three

                       ALAS tres na ng madaling araw ay hindi pa rin ako dinadalaw ng antok. Naubos ko na rin ang isang bote ng wine subalit hindi man lang ito tumalab saakin. Sinubukan kong tawagan ang aking mga kaibigan ngunit wala ni-isa sa kanila ang sumagot. Sabagay, sino pa nga ba ang gising sa mga oras na ito. Marahil ay ako na lang talaga.

Sunod kong tinawagan ay ang sekretarya kong si Beberly. Tatlong beses ko itong tinawagan bago nito nagawang sagutin 'yon.

"Bakit ba sir? Masyado pang maaga para pumasok." Puno ng iritasyon na sagot nito na halatang naalimpungatan lang kaya napilitan akong sagutin.

" Tsk... ang sungit mo naman sa boss mo!" kunwari ay pagrereklamo ko. "Gusto ko lang sana'ng itanong sa'yo kung nasaan na 'yong mga papeles, akala ko ba ay ihahatid mo dito sa condo ko?"

"Hay naku sir! Kung tumawag kayo para lang alamin kung umobra ba 'yong plano niyo, aba'y sana hindi