Chapter Five

                          TUWING umaga ay nakasanayan ko na ang dumiretso sa restaurant ni Iñigo. Ewan ko ba, pero sa araw-araw na ginagawang pag-iwas saakin ni Thana ay mas lalo lang akong ginaganahan na suyuin siya. Ilang beses ko na rin na ipinangako sa aking sarili na kailanma'y hinding hindi na ako magmamahal ulit. Subalit heto at nagpapadala na naman ako sa tukso.

Kanina pa akong nakaupo sa pang dalawahang mesa na ito, ngunit walang Thana na lumalabas. Baka nainis na rin ito sa araw-araw kong pangungulit kaya't ngayon ay tinaguan niya na ako.

"Sir, ano pong order niyo?" Anang isang waitress na may taglay rin na kagandahan.

"Is it okay if si Miss Thana na lang ang mag-serve sa'kin?" Nahihiyang pakiusap ko dito.

"Ay, sige po sir! Sasabihan ko po siya." Nakangiting sagot nito na kaagad rin akong tinalikuran.

Maya-maya lang ay si Thana nga ang bumalik. Malayo pa man ay tanaw na tanaw ko