Chapter Eight

                      PAREHO kaming walang kibo ni Thana habang lulan sa aking sasakyan. Ilang beses ko pa siyang sinulyapan para sana makakuha ako ng buwelo na kausapin siyang muli. Subalit nanatiling nakatuon sa labas ang kanyang atensiyon kaya naman nag-aalangan tuloy akong magsalita.

Maya-maya lang ay tumunog ang kanyang cellphone. Kaagad niya itong sinagot at napansin kong tila mas lalong naging malungkot pa ang awra ng kanyang mukha. Kaya naman mas lalo lang akong nawalan ng pag-asang makausap siya ng masinsinan.

"Uhm, sir... dito na po ang bahay namin." Aniya na halatang bigla itong naging balisa. "Salamat na lang po sa paghatid. Babawi na lang po ako sa susunod sir." Dagdag pa niya na hindi magkandaugaga sa pagbukas ng pintuan ng aking kotse.

"Hey! Are you okay?" Nag-aalalang tanong ko matapos niyang makababa ng sasakyan.

"Okay lang ako sir." Nakayuko niyang pahayag.

"Hindi ka okay! Kan