FIFTY FIVE

"Ako ang natatakot, Andong. Hindi ko alam pero talagang kinakabahan ako simula pa kaninang umaga," ani Aling Tina. Sa boses pa lamang ay halatang hindi ito mapakali.

"Hindi lang naman ikaw ang kinakkabahan, asawa ko. Nagtungong siyudad si Tan-Tan upang sunduin ang Yaya ng Boss natin. Ngunit wala ring kasiguraduhan kung makakaalis ito ng mansion na walang makakapansin sa kaniya," tugon ni Mang Andong.

"Iyon na nga eh, madalas namang lumuluwas sa siyudad ang batang iyon ngunit ngayon lang ako kinabahan ng ganito. Wala namang kasiguraduhan kung kailan darating si Sir Tommy." Palakad-lakad ang Ginang patunay lamang na hindi ito mapakali. Panaka-nakang sumisilip sa main gate na para bang nandoon ang mga taong hinihintay.

"Uuwi raw ang amo natin bago lalayag ang barko ni Sir Clarence. Pero mga ilang araw pa iyon dahil nasa Europe sila. Sigurado akong matatagalan din ang biyahe niya dahil sa distansiya." Sumusunod ang Ginoo sa kapaparoo't parito. Nagmukha tuloy silang nasa ROTC training dahi