Kabanata 12 - Ang Muling Pagkikita ni Eloise at Elijah

Eloise's Point of View

Pinagmasdan kong mabuti ang aking sarili sa harap ng salamin, formal attire ang napili kong isuot para sa aking interview. Naglagay lamang ako ng manipis na make-up at itinaas ko ang aking buhok.

Sa nakalipas na limang taon ay napagpasiyahan ko nang humanap ng trabaho. Lumalaki na ang aking anak at mag-aaral na ito sa sunod na pasukan.

Bago ako umalis ay sinilip ko muna ang aking anak sa kanyang kwarto. Mahimbing pa rin itong natutulog kaya hindi ko na ito ginising.

"Ate, kumain ho muna kayo, ipinaghanda ko na kayo nang umagahan." Ani ni Nicole. Kagagaling lamang nito sa kusina.

"Salamat, sa labas na lamang ako kakain. Mahuhuli na ako sa aking interview. Ikaw na muna ang bahala dito."

Kakamot-kamot naman sa ulo si Nicole. Gumising pa naman siya nang maaga upang ipagluto ang kanyang amo. "Sige ho, ate. Ako na lamang ang kakain nito. Sayang eh!"

Nagmadali na akong umalis. Mabuti na lamang at may sarili akong sasakyan.

'Sana'y hindi traffic ngayon.' Sa isip-isip