Kabanata 17 - Ang Plano ni Brynne

Eloise's Point of View

Wala pa rin imik si Avery hanggang sa makarating kami sa apartment. Agad itong nagderetso sa kanyang kwarto at saka nagkulong.

Naupo ako sa sofa. Bigla na lamang kong pinanghina. Napatingin ako sa saradong kwarto ng aking anak. Nagkukulong lamang ito kapag nagtatampo ito o kaya naman ay masama ang loob.

Nahigit ko ang aking hininga. Mamaya ko na lamang siguro kakausapin si Avery.

"Mukhang umasa si Avery na tatay niya ang lalaking nakita niya kanina, ate." Ani Nicole habang inaayos nito ang mga gamit na aming pinamili.

"Ayaw kong umaasa ang aking anak, Nicole. Kung maari, layuan ninyo ang lalaking iyon. Hindi tayo nakasisiguro kong mabuti ba siyang tao." Mariin kong paalala kay Nicole. Sana'y hindi na muling magkasalubong ng landas ang aking anak at si Elijah.

"Pero nagtataka lamang ako sa'yo, ate. Bakit ka nagtago noong nakita mo ang lalaki? Sigurado ka bang hindi siya ang tatay ni Avery?" Usisa naman ni Nicole.

Awtomatikong napalingon ako kay Nicole. Seryoso i