Kabanata 11 - May Pamilya Siya?

Eloise's Point of View

Isang buwan na ang nakalipas, simula nang umuwi ako ng Pilipinas. Nangungupahan lamang ako sa isang malaking apartment, sapat na iyon para sa amin ng aking magiging anak.

Ilang buwan na rin akong hindi kinukulit ni Brynne tungkol sa plano niya. Hindi ko pa nababanggit dito na nakauwi na ako ng Pilipinas.

Humarap ako sa malaking salamin, nakasuot ako ngayong ng mahaba at maluwang na bestida.

Marahan kong hinaplos ang aking bilog na bilog na tiyan, isang buwan na lamang at manganganak na ako.

Kailangan kong magpunta ngayon ng ospital para sa check-up.

"Nicole, ikaw na muna ang bahala sa bahay. Magpacheck-up lamang ako. Huwag kang magpapasok ng hindi mo kilala."

Siya ang katulong ko sa mga gawain bahay at ang mag-aalaga sa aking anak.

"Okay po, ate." Masayang saad ni Nicole. Abala ito sa panunuod ng Korean drama. "Mag-iingat ho kayo."

Pagkarating ko sa Clinic ay marami ng mga taong naroroon. Ang ibang mga buntis doon ay kasama ang kanilang mga asawa. Maliban sa