CHAPTER 1

"Trisha! nasaan ka ba?" tawag ni aleng Fiona sa anak.

"Nay andito lang po sa kuwarto! Bakit po?" sagot naman ni Trisha sa ina.

"Aalis na ako, isara mo na itong pinto!" paalam ni aleng Fiona. Aalis na kasi ito para mag trabaho. Isang GRO kasi si aleng Fiona sa isang bar malapit sa kanila. Ito na ang hanap-buhay niya magmula ng mapadpad siya sa Maynila.

"Sige po inay! Ako na po bahala. Mag-iingat ho kayo!" magalang na sagot naman ni Fiona. Mabait naman ang kaniyang ina at hindi siya pinababayaan nito.

Si Trisha ay labing-walong taong gulang pa lamang at nag pipilit makapag tapos ng pag-aaral kahit sa Tesda lamang. Balak niya kasi mag abroad dahil pangarap niya ring iahon ang ina sa kahirapan. Nag iisang anak lang din kasi siya na ipinagpasalamat niya kasi siya pa nga lang ay hirap na ang kaniyang ina.

Alam niya kung ano ang trabaho ng ina pero hindi niya ito ikinakahiya. Dahil kahit papaano ay hindi siya pinababayaan nito.

Sa gabi ay wala ang kaniyang ina at sa umaga naman ay maghapon itong tulog para makabawi sa puyat at pagod sa magdamag. Bilang ganti naman ni Trisha ay siya na lahat ang gumagawa ng lahat ng gawaing bahay para hindi na ito isipin pa ng kaniyang ina. Bago siya umalis para pumasok sa paaralan ay sinisiguro niyang malinis na ang bahay at may kakainin ang kaniyang ina sa pag gising nito. Kaya naman mahal na mahal din siya ng kaniyang ina dahil responsable siyang anak.

Si Trisha ay kilala sa kanilang lugar na mabait. Napakaganda rin nito kahit kayumanggi ang kulay ay napakaganda ng mukha ni Trisha. Nakakahawig niya ang actress na si Lovi Poe, hindi nakakasawang tingnan ang ganda niya kaya naman maraming sumusubok na manligaw ngunit deadma lang sila lahat kay Trisha, dahil may pangarap pa siya, yun ang lagi niyang sagot sa mga gustong manligaw sa kaniya. Napakatangkad din ni Trisha, sa taas na 5'8 ay talaga namang pang model ang datingan. Kaya marami talagang nahuhumaling sa kaniya. Ngunit ang sagot niya sa lahat ng manliligaw ay "NO!"

Wala namang magawa ang mga kalalakihan kundi tingnan na lamang siya mula sa malayo at ang iba pinili na lamang maging kaibigan ni Trisha. Mababait naman sila lahat kaya walang anumang naging problema si Trisha sa mga manliligaw.

Pagkaalis ng ina ni Trisha ay isinara na niya ng mabuti ang mga pinto at lahat ng bintana. Sinisigurado niyang nakasara ito ng mabuti dahil mahirap na nag-iisa lang siya kaya lagi siyang pasiguro sa sarili, marami pa naman mga masasamang tao ngayon sa paligid. Kaya para mas sigurado ay may katabi din siya palagingg baseball bat at kutsilyo. Mahirap na na maisahan ng masasamang loob.

Nang masiguro na ayos na ang lahat ay pumasok na siya sa kuwarto upang makapag pahinga na. Marami-rami rin siyang ginawa sa maghapon. Naglaba, naglinis at nagluto. Pagkatapos naman ng mga gawaing bahay ay nag-aral naman siya ng mga aralin niya dahil may exam sila kinabukasan kaya naman nakaramdam talaga siya ng sobrang pagod. Pag dikit pa lamang ng likod ay nakatulog kaagad si Trisha.

"Teka sino po ba kayo? Huwag po! Parang awa niyo na!" pagmamakaawa ni Trisha sa lalaki na nasa kaniyang harapan.

"Huwag kang matakot! Ililigtas kita! ililigtas kita! Ilalayo kita sa nanay mo!" wika naman ng lalaki na hindi niya maaninag masyado ang mukha dahil sa madilim na paligid.

Hindi niya rin alam kung nasaan siya basta ang alam niya natatakot siya. Pero nang marinig niya ang boses ng lalaki ay tila ba hinipo ang kaniyang puso at nawala ang pagkatakot niya.

"Ano po ang ibig niyong sabihin? Bakit niyo ako ililigtas sa aking ina? Mabait po ang aking ina at mahal na mahal niya ako," sagot naman ni Trisha na gulong-gulo sa mga sinabi ng lalaki.

"Malalaman mo rin ang aking ibig sabihin. Basta darating ako sa oras na kailangan mo ako. Ililigtas kita mahal ko! Paalam!" Bigla na lamang nawala ang lalaki at naiwang naguguluhan si Trisha.

"Teka sandali! Sandali!" sigaw niya ngunit bigla siyang nagising nang talunan siya ng pusa sa kaniyang tiyan.

"Ah! Panaginip lang pala, salamat Muning ginising mo'ko," anito ng makita ang pusa na nasa tabi niya.

Ano kayang ibig sabihin ng panaginip ko?

At sino iyong lalaki na iyon? Bakit niya ako ililigtas sa inay? Eh hindi naman ako inaano ni nanay. Mahal na mahal nga ako nito?" naguguluhang wika pa ni Trisha na animo may kausap.

"Hmm, panaginip lang iyon. Wala naman sigurong ibig sabihin iyon. Eh ayos na ayos naman ang lagay ko dito. Hindi naman siguro ako ipapahamak ni inay," wika pa nito at saka bumalik na sa pag tulog.

Kinabukasan ay maagang gumising si Trisha dahil darating na ang kaniyang ina. Kailangan niya makapagluto ng almusal para makakain ito bago matulog.

Agad inasikaso ni Trisha ang mga gagawin niya sa umagang iyon. Inuna niya ang pag luto. Nakakakita siya ng Itlog at ham sa refrigerator kaya iyon na ang kaniyang niluto at saka siya nag saing. Habang inaantay niyang maluto ang sinaing ay nag walis walis muna siya sa loob ng bahay.

Tamang-tama naman ng matapos siya ng mga ginagawa ay dumating na ang kaniyang ina.

"Inay tamang-tama ho, kumain muna kayo bago kayo matulog. Nakapag luto na po ako," aya niya sa ina.

"Ay salamat naman anak. Sige kakain ako ng madali at ako'y antok na antok na Marami kasing customers kagabi kaya halos wala kaming pahinga," anito sabay upo sa harap ng mesa. "Halika na anak sabayan mo na ako sa pag kain," alok nito kay Trisha na abala pa rin sa pag aayos ng mga gamit sa skwela.

"Sige po inay!" sagot naman nito at saka lumapit sa mesa at nag sandok ng kanin at ulam.

"Ano Trisha, kumusta naman ang pag-aaral mo anak?" tanong nito sabay uubo-ubo.

"Ayos naman po inay. Exam nga po namin ngayon kaya inagahan ko po talaga ang pag gising para makapunta ako ng maaga sa school at para makapag review pa ulit bago mag simula ang exam," sagot naman ni Trisha.

"Mabuti naman kung ganoon anak, napakaresponsable mo talaga. Napakasuwerte ko sa iyo anak," nakangiting wika ni aleng Fiona sa anak.

Paubo-ubo naman si aleng Fiona habang kumakain kaya napansin ito ni Trisha at nahmbahala sa kalagayan ng ina.

"Inay, ayos lang po kayo? Masama po ba ang pakiramdam niyo?" tanong ni Trisha sa ina.

"Ok lang ako anak. Medyo masama lang talaga ang pakiramdam ko. Sige anak ha, akyat na ako sa kuwarto para makapag pahinga na ako." Sabay tayo na sabi ni aleng Fiona. Dirediretso ito papasok sa kuwarto na animo'y hinang-hina ang katawan.

"Sige po inay, ako na po bahala dito. magpahinga na po kayo," sagot naman ni Trisha.

Nag aalala talaga siya sa kalagayan ng ina dahil napansin niyang nanghihina ito. Hindi niya tuloy maiwasang isipin ang napanaginipan niya kagabi tungkol dito.