31 Ang Balak Ni Elijah

Elijah's POV

Nakaupo siya sa harap ng kanyang table habang kagat-kagat ang takip ng ballpen. May binabasa siyang papeles para sa materials na gagamitin sa kanyang jewelry design na hanggang ngayon ay hindi pa rin niya makuha-kuha ang gusto niyang itsura.

Habang nakasandal at nakatitig sa folder niyang hawak may biglang nagbukas ng pinto ng kanyang opisina.

"Hi, Elijah!!" Masayang-masayang lumapit sa kanya si Venus, pero pinahinto niya ito gamit ang kamay. "Bakit?" Tila naguluhan pa ito sa ginawa niya.

"Anong ginagawa mo dito?"

"Dinadalaw ka at kakamustahin na rin. May masama ba doon?"

Binaba niya ang folder at tumingin sa mukha ni Venus. "Hindi ba't hindi naman tayo okay noong nakaraan dahil sa tantrums mo?"

Ngumiti naman ito at lumapit sa kanya. "I'm okay now. Mainit lang talaga ang ulo ko no'n."

"Pero seriously, we need to stop this."

"Hindi na ako magseselos. Kahit sino pa 'yon basta walang more than friends."

"No. Ayoko na Venus. Mas mabuting ilaan mo na lang ang oras mo sa iba."