33 Saan Ka Pupunta?

Elijah's POV

Pumasok siya sa loob ng kwarto at sinilip si Charlotte sa higaan. Nakaupo lang ito at nakatulala. Nang bigla itong tumingin sa kanya.

Maliit siyang ngumiti. "Are...you—"

"Hindi!"

Napapikit siya sa lakas ng sagot nito sa kanya. Parang sobrang malala naman ang ginawa nilang dalawa ni Elisse. Hindi niya alam kung ano ang gagawin. Gustong humakbang ng paa niya para lumapit at umupo sa tabi nito, pero napapa-atras din siya dahil sa itsura ni Charlotte na galit na galit.

"About sa itlog—"

"Ano?! Sasabihin mo rin na hindi masarap yung gusto kong kainin? Kung ayaw niyo nung gusto ko, huwag niyo na sanang iparinig sa akin!!"

Tinakpan ng dalawang kamay nito ang mukha habang umiiyak. Napabuntong-hininga naman siya sa inakto nito, kaya lumapit na siya at umupo sa tabi ni Charlotte.

"Hindi naman sinasadya ni Elisse na masabi 'yon."

"Alam ko, pero masakit sa akin!"

Tumingin siya kay Charlotte na umiyak pa rin. Basang-basa na nga ang palad nito. Halata sa siwang ng daliri dahil basa na