30 Hindi Nagustuhang Pagkain

Charlotte's POV

"Hanggang kailan, Elijah?" Nakatitig lamang siya sa baso at hindi tumingin sa mata nito. "Sa pagkaka-alam ko, meron kang babaeng iniibig. Ayaw mo bang makatuluyan ang babae na 'yon?"

Tumahimik sa kusina, pero nagtaka siya kung bakit ang tagal bago sumagot ni Elijah. Siguro ay ilang minuto na ang nakakalipas. Nang tiningnan niya ay napakunot ang noo niya dahil nakapikit ito habang nakahalukipkip ang mga braso.

Tinulugan ba siya ni Elijah?

"Elijah." Nanatili lang itong nakapikit. Inubos niya ang laman ng gatas sa baso bago siya tumayo. Baka inaantok na talaga ito. Mag-aalas-kwatro na rin ng madaling araw. "Elijah, tulog ka ba?" Hinawakan niya ang braso nito at bahagyang tinulak. Wala pa rin itong reaksyon o hindi man lang dumilat.

Pumaling ang ulo niya para pagmasdan ang mukha nito. Napaka-swerte naman noong babaeng gusto ni Elijah. Mabait naman kasi ito, siya lang ata ang maraming hinanaing sa buhay kaya hindi sila nagkakasundo na dalawa.

"Hindi ba kayo makakapaghintay