23 Parehas Na May Sikreto

Charlotte's POV

Halos sa tagal na pagkakaupo niya sa passenger seat hindi na sila nag-usap pa ni Elijah hanggang sa pumasok ang kotse nito sa bakuran ng bahay.

Bumaba siya at sinundan ng mata niya si Elijah habang kinukuha nito ang pinabili ni Elisse.

"Tulungan na kita," alok niya kay Elijah.

Maliit itong ngumiti bago umiling. "Kaya ko na 'to. Pumasok ka na sa loob."

"Okay." Nakailang hakbang na siya palayo sa kotse nang tinawag siya ni Elijah. Lumingon siya na nakataas ang dalawang kilay. "Bakit?"

"Nag-co-comute ka lang ba talaga mag-isa pauwi sa bahay?"

Kumunot ang noo niya sa tanong nito, dahil batid naman ni Elijah iyon. "Hindi naman talaga ako nagpapasundo o nagpapahatid kahit noon pa na kasama ko ang pamilya ko, kung may pagkakataon man, bilang ko lang kung ilan at alam mo 'yon, Elijah, dahil madalas ka sa bahay namin."

Iniwas ni Elijah ang mata sa kanya.

"Sino ang lalaki na nag-alok sayo na ihatid ka sa sakayan ng tricycle?"

Napatitig siya sa mukha ni Elijah, pero hindi naman i