Kabanata 6.1

Maxine's POV

Maaga akong nagising at agad akong bumaba upang kumuha ng maiinom ngunit pag siniswerte nga naman ako ay si donya Sylvia pa ang nakasalubong ko sa mga oras na ito.

Nakasuot pa ito ng pantulog at agad na tumaas ang kilay nito ng makasalubong ako.

"Ang agang basura naman nito." Inis na saad nito at agad na kumuha ng tsaa.

Hindi ako umimik dahil ayoko s'yang patulan sa mga oras na ito. Hangga't hindi n'ya ako sasaktan ay wala akong dapat gawin.

"Sabihin mo nga, Maxine?" Saad nito at inihinto ang kanyang ginagawa at agad na tumingin sa direksyon ko. "What did you do to my son? Matinding pang gagayuma ba ang ginawa mo kaya pati ako ay kinakalaban n'ya na?" Mahina ang boses nito ngunit may pagbabanta.

Inilapag ko ang basong hawak ko at tumingin nang diretso sa kanyang mga mata. Bakit parang kasalanan ko pa ngayon? Hindi ba at s'ya naman ang may gusto nito?

"Donya Sylvia, bakit parang mali ko pa?" Saad ko at inirapan pa ako nito. "Hindi ba pwedeng nakikita lang ni Lawrenc